قصيدة عن الامام الكاظم , جارت الدنا بغيابك
جارت الدنا بغيابك
والوكت كلش عكس
اختنك دين الله لكن شاء ربك
تسجد انته وسجدتك تطلع نفس
ياسجين الشفته واكف
رغم مابيده السلاسل والجدار الجان حاجر
كباله واكف حيل خايف
يرتجف منه الحرس
انته جنت اعظم مقاتل
ذو الفقار السجده جانت
من تصلي ارواحهم تكتلهه خوف
انته جنت حسين بيام الطفوف
لكن الوحدك غريب
مالكيت الضحه لجلك بالجفوف
وانه والصفنه وخيالي
بمرقدك نمشي ونطوف
وكمت اشوف
كمت اشوف العينه عميه
يصد عليك وينترس كل وجهه شوف
من شفت فرعون رد وجاي راد الانتقام
انته هم رديت موسى
لكن بهيئة امام
وهيه نفس العصه بيدك
كبه صارت شككت بيهه الضلام
والحمام
الحمام ارواح ناسك
ناسك الماتت بريئه الفجروهه
ومالكت حظن الامان
ربك انطاهم مكان
وجي جنت كلك حنان
أمر ربك ان يقيمون بحضرتك حضرتك ضمن الجنان
........................
حسين الطليباوي
رد مع اقتباس
