شعر شعبي عن الأمام علي عليه السلام
كلهه هاي الناس من ماي وتــــــراب
وانته حيدر مصـــــدرك نور وضــــوى
انته أوّل واحـــد ابهاي الحيـــــــــاة
انته والهادي علي انزلتوا ســـــوى
ولاتظن آدم نــزل بيـهه أشتـــــباة
اتعنة للتــفاحة مـد أيدة وحـــــوى
لان حيدر بالصــلب راد النــــــزول
وآدم أبن بيوت واعي المحتـــــوى
ونزل حيدر للارض فد شي عجيب
نزل موش أنسان في هيئة هــوى
سرج خيـــل الدنـــية حيدر معتلية
ومال سرج الدنية من علمة التـــوى
واحنه ما نحتاج جف عيسى الطبيب
عدنه ابو الحسنين شباجة الــــدوى
ولاعصى موسى علي صبعة الدليل
لو ومة اعلة الكون جا حسبة انطـوى
وعلي موش بحقّة بس اليطعمون
علي كلشي التوبة والقل والهوى
علي جان الخبزة بجفوف اليــــتام
وعلي حته الماي من عندة أرتوى
ولاتظن الزود جان الذو الفـــــــقار
ذراع حيدر وحّدة يعادل قــــــــوى
علي نخلة وفطّر ابكَاع الرســــول
والاصحاب البــــجذب جانوا نـــوى
والله جاماكَــــال بكتـــــابة العزيــــز
(أخلع نعليكَ انك في الوادي المقدس)
لو دخل حيدر علي الوادي طوى
الكَاع تتمكيج جدم حيدر عريـــــس
الجدمة كَاع الوادي جاصارت عــرض
علي جان يصلّي وايطول السجــود
غير حتة بركَبــــتة مجلـــبة الارض
اخذ صــم اتراب شمّة ويالوضــــوء
تلكَه بي ريحت علي تشم الفرض
ولازم الحيــــــدر علي منهج يصير
أنبلغ الطلاب كل حيــــــــدر حفظ
من الارشيف
رد مع اقتباس
عاشت ألأيادي