هنا

[المحاميه شهد المعموري]

ايامي واحلامي ارسمهه
جنة معبودي انه اشتمهه
يالكاصد سامره الروح وكلبي وياكم
..........................
يلزاير خذ كلبي وروحي يم شباجه
شدهه بعلك على الشباج وعندي الحاجه
يامن شفت الكون ابابه الكل يحتاجه
علة كلبي وبس شباجك هوه علاجه

ودموع سنيني الاحملهه
يم شباجك ريت اقبلهه
يالكاصد سامره الروح وكلبي وياكم
..........................
يلزاير كل ليله اتسافر دمعة عيني
توصل يم محبوبي وتطرح شوك سنيني
لو همت بطيفك جن نورك اليحاجيني
من باب الزهره انه الادخلك توصيني

وام الحسن الجود البيهه
معروفه وجفهه التدريهه
يل الكاصد سامره الروح وكلبي وياكم
..........................
يلزاير لو لاحت كبه ايديك ارفعهه
رب الكون بجاه التطلب ميرجعهه
هل دمعه بشباج التعشك لا تمنعهه
صلي بعالي الصوت اتيقن هم يسمعهه

طوف وخلي الدمع يزوره
وتزود هالليله بنوره
يل كاصد سامره الروح وكلبي وياكم
..........................
يلزاير هاك اخذ سنيني وكل ايامي
واخذ الروح التعشك محبوبي واحلامي
من شوكي كل لحظه تصورتك كدامي
سافرت بحبك وجناح الشوك هيامي

مارايد منك بس نظره
ودلالي الي يحبك جمره
يل كاصد سامره الروح وكلبي وياكم
..........................
شــــــــــــــهد المعموري

[sarah sona]

الله الله
عاشت الايادي

[المحاميه شهد المعموري]

عاشت ايامج غلاتي

[عدنان الواثق]

بوركت عالقصيده الرائعه وجعلها الله في ميزان اعمالكم لك مني كل تقدير

[د. حسن سعيد]

عشتِ وعاشَ قلمكِ الراقي

[المحاميه شهد المعموري]

بوركت عالقصيده الرائعه وجعلها الله في ميزان اعمالكم لك مني كل تقدير

بوكت ايامك اخي الغالي.

[المحاميه شهد المعموري]

عشتِ وعاشَ قلمكِ الراقي

اسعدني كثيرا مرورك وتعطيرك للنصي المتواضع.

[علي الشمري]

حلو خويه ام حر
عاشت الايادي
وجعلها الله في ميزان حسناتك
تقييمي المتواضع امامك
استاذتي

[المحاميه شهد المعموري]

اهلا وسهلا بيك عاشت ايامك
ممنونه على التقيم