هنا

[فقار الكرخي]

انا اليابس حطب واتنمى اشوفك نار
صدر مسجون صدري ويشتهي الخنكّة
جنت شايل كلب للطعنة يفتح باب
هسة بوجه بلبل كام يسّركّة
ماداين خلكـ للراد ينخل ماي
انا مكسور خاطر مو حمل خلكّة
وبعد ماريد اعيش بحالة الجناز
واضل اكتب قصايد كلها عل فركة
انا كبالك نجف ..واحجيلي بس عل الموت
ماريدن سوالف بيها اثر ملكّة
ردت ضحكة طفل ماردت ضحكة خوف
ردت فديوم اشيلن راسي المدنكّة
ردت اسمع بلابل موش صوت كبور
انا شكم يوم عايش ..مو عمر تفكّة
استعجل حبيبي العشرة بت كماط
الزرع لمن تكتلة اتشيلة من عركة
مكان البي كعدنة ازرعت بي عاكول
لان لفالة واحد مو وفي بعشكّة
بذمة كبريائك خاطري المكسور
ودموعي وحسرتي وهمي والخنكّة
عمي انطيك.... بس غير افتهم شتريد
اخذ مني الفرس والسيف والدركة
اخذ مني الفرح والضحك والصفكّة
اخذ الشمس بيدك والسما الزركة
انا ميت هووااي وحافظ التابوت
واذا مات الغصن شتفيدنة الوركّة
لتكلي الشعر للناس والجمهور
الشعر وجدان شاعر روحة محتركة
ما جاذب ابيت اجتافي للعباس
واليحلف كبالك لازم اتصدكة
واليطلب لجوء لعالم الحيوان
ما يحتاج لل الله والصفكة
منقول

[سمراء من قوم عيسى]

الله الله الله
عاشت ايدك ع الانتقاء الرائع