هنا

[فقار الكرخي]

مجال بريتتي ماضل للهوه ايفوت
دفنتك شهكَه ماتت صالها اسنين
اشم عطرك بعيني الكَام ينشاف
ضرير وكَمت اشم فركَاك بالعين
جم يعكوب مات اشكثر قمصان
الك تاخت براسي ورافها البين
احس مابين ضلعي وحظنك فراكَـ
ومسافه بكَلبي الك بالدكه دكتين
تاجر جيب خاوي امن الهوه البيه
ثكل ويميل جفه بصفحة الدين
ريائي بحبي الك عكس اليصلون
بغضاً بالشماته اهوه الشياطين
العاشكَـ من يون من حقه معذور
الفاكَد من ونينه اتون حياطين
الما ملجوم كلبه امدلل بخير
مو مثل السهر وبضهره سجين
احساس العاشكَـ ايكَولون مكروه
يكل للضحكه بسج عيب تبجين
اثر مشرور الك بالبال ماراح
على خيوط الييسموهم مجانين
ترف جدمك مشيت وبين وياي
لان رديت احس وياك من طين .




تحسين العكيلي

[النقيب]

تسلم ايدك للكلمات الرائعه

[كبرياء فتاة]

تعبير رائع شكرا الك