مساجلة الشاعر محمد هاشم الحسناوي
مع الشاعر المبدع حسين الساعدي
الصديق والمحبوب
الشاعر حسين الساعدي
وإلمن دَمعِتَك كون ولفك يزفووه
وصاحبك نفس اليوم راحوا يدفنوه
االساعدي
نفس السؤال بتوضيح اخر
نفرض اثنين اعزاز بس باقي دمعه
شتصبها عالزفوه لوعَل تِشيعه!!
ااالساعدي
***
الشاعر محمد هاشم الحسناوي
للصاحب أنطي الروح وعيوني ذني
ولا دمعه مني أطيح عالماوفتني
***
الشاعر حسين الساعدي
نفرض وفت وياك بس الصراحه
جان الزمن غدار مامنه راحه
***
الشاعر محمد هاشم الحسناوي
اصرخ واطفي العين وعصر بجيهه
وجف اللطم عالراح والثاني ليهه
***
الشاعر حسين الساعدي
ماكو لطم هاليوم بس دمعة العين
المن تصبها ابساع والراحوا اثنين
***
الشاعر محمد هاشم الحسناوي
أبجي على روحي أهواي أفضل إليه
شي ضيعيت اثنين من بين أديه
***
الشاعر حسين الساعدي
تبجي اعله روحك ليش والدمعه وحد
يل فاركيت اثنين وين الموده
***
الشاعر محمد هاشم الحسناوي
هالدمعه تبقى وياي كلش عزيزه
ودفنهه وسط العين موش بكزيزه
***
الشاعر حسين الساعدي
شتسوي وسط العين للدمعه معتاز
لازم تذبها ابساع والراحوا اعزاز
***
الشاعر محمد هاشم الحسناوي
ماذبهه والعباس وترطب خدود
لمن أشوف أهواي كدامي موجود
***
الشاعر حسين الساعدي
لازم تذبها ابساع لازم تذبها
هالدمعه مثلك راح ينبض كلبها
***
الشاعر محمد هاشم الحسناوي
أوف امداهه العين لو تنطي دمعة
لازم تذوب ابساع مثلج يشمعه
***
الشاعر حسين الساعدي
بالك تلوم العين وبصب الدموع
غير المشوا هاليوم ماعدها موضوع
***
الشاعر محمد هاشم الحسناوي
دمعة أوله هيه أصير للصاحب وياي
ولوعندي بعد أدموع ابجيهه لهواي
***
الشاعر حسين الساعدي
ادري ابصديقك زين يستاهل العين
بس الورد هاليوم عاف البساتين

منقوول