قال الله في محكم التنزيل
(( إن ربك لبالمرصـــاد ))
هاا وين النصر ماتحچي كرحوت
عبالك بالسوالف تحصد امجاد
النصر قائد يريد يكون مبخـون
واصبع بالمعــارك يعشگ زناد
مو قاط انگليزي وفندق وتكييف
وتصريح الچذب تصويره بغداد
القادة مواقف مو شعـــارات
سمعنه هواي منكم كلشي مافاد
ياوسفة انتخبكم اصبعي بيوم
بالدم انصبغ مو حــبر معــتاد
كرحــوت وزمرتك . . اقرو قرآن
ادريكـم ملالي وخــوش عباد!
ادريكم حــلال الجــاي تجنوه
وماعدكم دغش بالكلمة والزاد
بعتونه وگعـــدتو بحضن اربيل
حرگتونه و أظن مبيوع الرمــادي
حاضرنه ألم والجاي مجــهول
والماضي الحـلو هيهات ينعاد
رد مع اقتباس
كلمات جميله
