الثلج طب للمخيم تعرف شصار،،،
العوائل بالبرد جمدت خطية،،،
البرد ما يرحم وما يقبل يروح،،،
اخاف يموع وتزيد الاذية،،،
الخيم يا ناس بيها الناس دتموت،،،
وجميع البيها حالتهم ردية،،،
المهجر بالخيم بالبرد مفجوع،،،
حكومتنا نسته وهاي هيه،،،
خطية اطفالهم ترجف حرامات،،
وخيمهم وكعت وصارت بلية،،
اصابعهم ازركت والمطر فات،،،
عليهم والدفو ما منية جية،،،
الحكومة تنام والصوبات اشكال،،
واحنة الثلج صارلنه هدية،،،
دخان الحطب طب جوة العيون،،
اخاف الناس كلها تصير عمية،،
فتگنا الجيب والمصروف خلصان،،،
والشبعان هم بالمليون مية،،،
البرد والجوع نزلن ضيف بالناس،،
وام البيت تتمنى المنية،،،،
وين اهل الرحم والناس دتموت،،،
وين اهل المكارم والحمية،،،
گطعنا الامل ما اضن رجعة للدار،،،
عفنا الدار تندب بالزوية،،
حكومتنا عظيمة بنور الاعلام،،،
وبالواقع يعالم هي حية،،،،
تلدغ بالعجل بس المساكين،،،
وعلى چتاف الفقارة تدوس هيه،،،،
خيرات البلد بجيوب الانذال،،،
وبحلوك الايتام اللگمة نية،،،،
الارامل ترسن الاسواق ويلاه،،،
ما اضن بعد تنحل القضية،،،،
اذا مو بالايادي نجيب الحگوگ،،،
صّدك يالفقير انتة الضحية،،،،
رد مع اقتباس
