( الضوه ما ينچتف )الشاعر عادل سليم .. الى الامام الكاظم ع 2015
أظلم چان سجنك وصله من ليل
ليلك والصبح بي نفس الالوان
يل گضيت يومك تعبد الله
ماتحتاج أبد لوقات الآذان
چنت تسمع أذان الكعبه مولاي
چنت بيدك تخلي هلال رمضان
قيودك ما تعيقك تذكر الله
تسبح بالسناسل عدك ايمان
هديت الناس كلهه ودرو مظلوم
شافوا بيك چلمة بطيف خرسان
نورك ينچتف .. ؟! ماعيب مولاي
نفس باب السجن، للفرج بيبان
تشوف اباب سجنك علگ مشدود
يتمنى الفرج يوميه سجان
ومن ترفع دعائك ياكل الخوف
قصرهم والخلافه وعرش خدران
ومن حايط الحايط يعبر الصوت
دعائك للخليفه تنقله حيطان
يوصل يمّ اذانه ويوكع التاج
صوتك مايبات أبذن شيطان
سجانك كشفلك عن الاحداث
مابين الجذب والصدك، عميان
مخالب الاتهام اتوجهت اعليك
كل ذنبك ضوه بدروب دخان
صدر حكم الضلاله تموت مسموم
هيج بلا ذنب بس كونك انسان
وجان ابليس شاهد ..، مدري هارون..،
طفل جان الخليفه ايلعبه شيطان
على جسر الرصافه تشيع الدين..
على جسر الخلافه اتمشه سكران
.................................................. ......................................
ومضات
يابـاب الحوائـج ياسفيـنـة نــوح=جزر حبـك طويـل ويصعـد وي المـد
يراهـب بيـت ال المصطفـى الاخيـار=سجنـك صـار جامـع بـيـه تتعـبـد
... امقيد بالسلاسـل وانـت كلـك فيـض=كلـي ابيـا حديـد الفـيـض يتقـيـد
علمـت السجـن كـل المعانـي البيـك=وسجانك جـزع حـد مـا لكالـك حـد
كهف الغيض صدرك يل حويت الغيـض=عجيبه اشلون غيـض ابصـدر يتحـدد
ابطن الحوت يونـس مـا حمـل ايـام=رغـم ماجـان حوتـه اويـاه يـتـودد
وانت اسنين عمرك كضن عـد الحـوت=وحوتـك بالعـذاب اويــاك يتعـمـد
يوسف بالسجن والسجن سبـع اعـوام=بـس لمـن طلـع عالعـالـم اتسـيـد
وانت اخمسطعش واتجاوزت كـم عـام=تالـي اعلـه الجسـر مسمـوم وامّـدد
ايـوب الصبـر بيـه اقتـرن مـولاي=وانـت الصبـر منـك كــام يتـولـد
موسى من مصر غادرهه ثمـن اسنيـن=وشوكه للاهل بيـه كـل وكـت يشتـد
وانت من الاهل محـروم حـد المـوت=كلـي اشلـون ميـت للاهـل يـنـرد
يااطـول سجـود ايسجلـه التـاريـخ=لوعدينـه بيـك ايتيـه بيـنـه الـعـد
عدوك شاف قطعه من القصـر عالكـاع=فوك اتراب سجنـه ابكـل وكـت تمتـد
شافك وانذهـل مـن جاوبـوه اعليـك=عرف شنهو اليريـده وبيّـن المقصـد
ماحدك سجـن والسجـن بيـك احتـار=وانت ابكـل كتـر منصوبلـك مشهـد
هارونك تضعضع نـزل لسفـل سـاف=وانت ابرغـم سجنـك عالخلـد تصعـد
ياسفـرة الحاجـه وياهـوه التعـبـان=نـارك بالكـلـب هيـهـات ماتـبـرد
مثل مدعيت ربك هيجي ندعـي اويـاك=لان سجيـن هارونـك رجـع وانـحـد
يل خلصت يونس مـن ضـلام الحـوت=خلصنـه بجـاه المصطـفـى الاحـمـد
يمخلـص الجنيـن وهــو بـالارحـام=خلص هالشعب مـن كـل ظلـم اسـود
يل امخلص اللبن مـن بيـن هـذاوذاك=خلص هالشعب من كـل عـدو اتمـرد
رد مع اقتباس
المشاركة الأصلية كتبت بواسطة حلاوة الايمان
