ﺑﻘﻠﻤﻲ ﺍﺗﻤﻨﻰ ﺍﻥ ﺗﻌﺠﺒﻜﻢ
ﺍﻡ ﺍﺳﺘﺸﻬﺪ ﺍﺑﻨﻬﺎ ﻭﻫﻮ ﻳﻠﺒﻲ ﻭﺍﻋﻴﺔ ﺍﻟﺠﻬﺎﺩ ..
ﻛﻠﻨﺎ ﻧﻌﻠﻢ ﺑﺤﺎﻟﺔ ﺍﻻﻡ ﺍﻟﻔﺎﻗﺪﻩ ﻛﻴﻒ ﺗﺼﺒﺢ ﻓﻲ ﺍﻭﻝ
ﻳﻮﻡ ﻣﻦ ﺍﻟﻤﺼﺎﺏ ﻓﻲ ﺍﻭﺍﺧﺮ ﺍﻟﻠﻴﻞ ﺻﺒﺮﻥ ﻋﻠﻴﻬﺎ
ﻓﻐﻤﻀﺖ ﻋﻴﻨﻬﺎ ﻭﺍﺫﺍ ﺑﻬﺎ ﺗﺮﻯ ﺍﺑﻨﻬﺎ. ...
ﻓﻘﺎﻟﺖ
ﻫﺎﻳﺒﻌﺪ ﺍﻣﻚ ﺍﺟﻴﺖ ﻣﻦ ﺍﻟﺠﻬﺎﺩ ..
ﻫﻠﻪ ﻭﻣﻴﺖ ﻫﻠﻪ ﻳﻤﻪ ﺑﺠﻴﺘﻚ
ﻳﻤﻪ ﻛﺎﻟﻮ ﻣﺎﻳﺮﺩ ﺍﺑﻨﺞ ﺷﻬﻴﺪ.
. ﻭﺯﻣﺮﺕ ﺍﻻﺭﻫﺎﺏ ﺩﺍﻋﺶ ﺫﺑﺤﺘﻚ
ﻳﻤﻪ ﺍﻛﻌﺪ ﻭﺍﻟﻠﻪ ﻣﺎ ﺑﻴﻪ ﺍﻛﻮﻡ .
. ﻳﻤﻪ ﺣﻴﻞ ﺍﻣﻚ ﻫﺪﻣﺘﻪ ﺑﻔﺮﻛﺘﻚ
ﺍﻛﻌﺪ ﺍﺗﺮﺟﺎﻙ ﻳﺎﻳﻤﻪ ﺗﻌﺎﻝ
..ﺍﺭﺩ ﺍﺷﺒﻜﻚ ﻭﺍﺭﺩ ﺍﺑﻮﺳﻦ ﺭﻛﺒﺘﻚ
ﻳﻤﻪ ﺍﻃﻠﺐ ﻣﻨﻚ ﺍﻓﺘﺤﻠﻲ ﺍﻟﻘﻤﻴﺺ.
. ﻭﺍﻟﻠﻪ ﻣﺸﺘﺎﻛﻪ ﺍﺷﻤﻦ ﺭﻳﺤﺘﻚ
ﻭﺍﻟﺪﻙ ﻳﺎﻟﺮﺣﺖ ﺻﺎﻳﺮ ﺣﺎﻟﺔ ﺿﻴﻢ ..
ﻛﺎﻋﺪ ﺑﺠﺎﺩﺭ ﻋﺰﺍﺀ ﻣﺼﻴﺒﺘﻚ
ﻳﻤﻪ ﺍﺧﺘﻚ ﺿﻠﺖ ﺑﻄﺮﻙ ﺍﻟﻮﻧﻴﻦ
.. ﺩﻣﻮﻋﻬﺎ ﻧﻜﻌﺖ ﺑﻴﻬﻦ ﺻﻮﺭﺗﻚ
ﺧﻤﺸﺖ ﺍﻟﺨﺪ ﺫﺑﺖ ﻋﻠﻴﻚ ﺍﻟﺤﺠﺎﺏ
.. ﺣﺎﻟﺔ ﺍﺧﺘﻚ ﻳﺎﻋﺠﺐ ﻣﺎ ﻫﺰﺗﻚ
ﺣﺎﻟﺔ ﺍﺧﻮﺍﻧﻚ ﺗﺬﻭﺏ ﺍﻟﻬﺎ ﺍﻟﺤﺪﻳﺪ
..ﻣﻨﺤﻴﻦ ﺍﻟﻀﻬﺮ ﻳﻤﺸﻮﻥ ﺍﺧﻮﺗﻚ
ﺑﻌﺒﺮﻩ ﻭﺑﻜﺴﺮﺓ ﺍﻟﺨﺎﻃﺮ ﻭﺑﺪﻣﻮﻉ .
. ﻭﺭﻩ ﺍﻟﺠﺎﺩﺭ ﻛﻠﻬﺎ ﺗﻨﺤﺐ ﺻﺤﺒﺘﻚ
ﻳﻤﻪ ﺍﻧﺎ ﺍﺗﻤﻨﻴﺖ ﺍﻗﺪﻣﻚ ﻟﻠﺰﻭﺍﺝ
..ﻭﻧﺎﺫﺭﻩ ﺑﺠﻔﻮﻓﻲ ﺍﻋﺠﻦ ﺣﻨﺘﻚ
ﻳﻤﻪ ﻭﻳﻦ ﺍﺗﺮﻳﺪ ﻻﺗﻤﺸﻲ ﻭ ﺗﺮﻭﺡ.
. ﺍﺷﻠﻮﻥ ﺍﻋﻴﺸﻦ ﻳﻤﻪ ﺍﻧﻪ ﺑﻐﻴﺒﺘﻚ
..ﺍﺟﺎﺑﻬﺎ ﺍﻟﻮﻟﺪ
ﻳﻤﻪ ﻻﺗﺒﺠﻴﻦ ﺍﻣﺴﺤﻴﻬﺎ ﺍﻟﺪﻣﻮﻉ
..ﺭﻭﺣﻲ ﻓﺪﻭﻩ ﺗﺮﻭﺡ ﻟﺘﺮﺍﺏ ﺍﻟﻮﻃﻦ
ﻳﻤﻪ ﺍﻧﻪ ﺑﻤﻮﺗﺘﻲ ﻛﻠﺶ ﺳﻌﻴﺪ.
. ﻳﺎﺣﻼﺗﻪ ﺍﻟﻌﻠﻢ ﺻﺎﻳﺮﻟﻲ ﺟﻔﻦ
ﻳﻤﻪ ﺍﻟﻠﻪ ﻳﻜﻮﻝ ﻣﺎﻣﺎﺕ ﺍﻟﺸﻬﻴﺪ.
. ﻛﺎﻝ ﺍﺣﻴﺎﺀﻥ ﻋﻠﻰ ﻣﺮ ﺍﻟﺰﻣﻦ
ﺍﻧﻪ ﺭﻓﻌﺖ ﺭﺍﺳﺞ ﺑﻴﻮﻡ ﺍﻟﺤﺴﺎﺏ
.. ﺑﺎﺟﺮ. ﺍﺗﻘﺪﻣﻴﻨﻲ ﻟﻢ ﺍﻟﺤﺴﻦ
ﻳﻤﻪ ﻋﺠﻨﻮ ﺣﻨﺘﻲ ﺑﺠﻨﺖ ﺍﻟﺨﻠﻮﺩ
..ﺑﻌﺪ ﻣﺎﺣﺎﺟﻪ ﻳﻴﻤﻪ ﺍﻟﻬﺎﻟﺤﺰﻥ
ﻳﻤﻪ ﺍﺟﺎﻧﻲ ﺍﻟﻜﺒﺮﻱ ﺍﻣﻴﺮ ﺍﻟﻤﺆﻣﻨﻴﻦ .
. ﻭﺷﺎﻝ ﻣﻨﻲ ﺍﻟﺨﻮﻑ ﻭﺍﻧﻄﺎﻧﻲ ﺍﻻﻣﻦ
ﻳﻤﻪ ﺍﻧﻪ ﺍﻟﻴﻮﻡ ﺑﺴﺖ ﺍﻳﺪ ﺍﻟﺤﺴﻴﻦ.
. ﻭﺑﺸﻮﻓﺖ ﺍﻟﻌﺒﺎﺱ ﻛﺤﻠﺘﻪ ﺍﻟﺠﻔﻦ
ﻳﻤﻪ ﺍﺟﻪ ﺟﺴﺎﻡ ﺟﺎﻳﺒﻠﻲ ﺷﻤﻮﻉ.
. ﻳﻀﻮﻟﻲ ﺍﻟﻜﺒﺮ ﻟﻮ ﻟﻴﻠﻲ ﻳﺠﻦ
ﻳﻤﻪ ﻭﺍﻟﻠﻪ ﺑﺨﻴﺮ ﺍﻧﺎﺑﻮﺳﻂ ﺍﻟﺠﻨﺎﻥ.
. ﺍﻓﺮﺣﻲ ﻳﻤﻪ ﻭﻻﺗﻌﻴﺸﻴﻦ ﺑﻤﺤﻦ
ﻳﻤﻪ ﻋﻨﺪﻱ ﻭﺻﻴﻪ ﺍﻭﺻﻴﺞ ﻭﺍﺭﻭﺡ
..ﺍﺗﺬﻛﺮﻳﻬﺎ ﻟﻤﻦ ﺍﻛﻠﻴﺒﺞ ﻳﺤﻦ
ﻣﻦ ﻳﺠﻴﺞ ﺍﻟﺸﻮﻙ ﺍﺫﻛﺮﻱ ﻛﺮﺑﻠﻪ
ﻭﺷﺪﻱ ﺣﻴﻠﺞ ﻭﺍﻧﺴﻲ ﻛﻞ ﺍﻟﻤﺴﺎﻟﻪ
ﻣﺎ ﺍﺭﻳﺪ ﺍﺩﻣﻮﻉ ﻋﺎﻟﺨﺪ ﺳﺎﻳﻠﻪ
ﻳﻤﻪ ﺳﻠﻤﻴﻠﻲ ﺍﻋﻠﻪ ﻛﻞ ﺍﻟﻌﺎﻳﻠﻪ
ﺗﺬﻛﺮﻱ ﺍﻟﻤﻮﻣﻦ ﺑﺪﻫﺮﻩ ﻳﻤﺘﺤﻦ
ﺍﻓﺮﺣﻲ ﻳﻤﻪ ﻭﻻﺗﻌﻴﺸﻴﻦ ﺑﻤﺤﻦ
رد مع اقتباس
