خلص صبري وياك شكَد تنيتك
يل عشت عمري احبك ما لكَيتك
بالفرح ردتك الي بدنياي اهم بيك
مسمعت منك صوت مهما نخيتك
بالزعل انته استاذ مو حاجه اوصيك
يا سبب حزني وابد ما عاتبيتك
تنجرح من غيري تنخاني واداويك
وانته تجرحني واضم ما علميتك
ما سألتك عن سبب جرحي واداريك
ضمدت جرحي بجرح ما كلفيتك
من بعيد انشد عله اخبارك وباريك
حتى لا تحسب كلوفه ما حسسيتك
شتنتظر منك بعد روحي واتانيك
والجرح فوكَ الجرح تسلم فديتك
يل حملت الآه منك وآنه احاجيك
والروح تشرغ لجن ما فززيتك
يل متت منك الف موته واحييك
لو ألف تكَدر بعد جا كرميتك
اعجزت منك وآنه اكتبلك واناغيك
لا تصد عينك علي ما اريد اذيتك
منقول
رد مع اقتباس
المشاركة الأصلية كتبت بواسطة ηєумαя
