هنا

[فقار الكرخي]

مصيبتك يالكاظم انحس بيهـــــــه
هينه وي زينبكم السابيهـــــــــــه
..
صح بچينه دموع أحنه ابابــــــــــك
وصح چبير مصابك اعله احبابــــــك
لچن زينب أكبر امنمصابـــــــــــــك
بيوم راحت للسبي امأسريهـــــــه
..
أنته سابيك السجن واضح نشـوف
وهيه سبيتهه المصايب بالطفــوف
لمن سمعت بالگمر ضحه الچفوف
الدنيه گامت زينب اتبچيهـــــــــــه
..
أنته خلـــــــــوك بسجن كله ظلام
وهيه حرگو سيـــدي اعليهه الخيام
گام تسمع بس بچي وصوت الايتام
عمه زينب نارهم طفيهـــــــــــــــه
..
أنته فرگة أبنك الحراگـــــــــــــــــه
وهيه كاتلهه الحسين افراگــــــــه
بلايه محمل ركبة اعله الناگـــــــه
وبالحبل يا سيدي امچتفيهــــــــه
..
دموعك اعله الرضــــــا يالكاظم تسيل
وهيه تبچي اعله الحيسن وعل كفيل
تمشي وعليهه انتچـــه الهم والعليل
والدموع اخدودهه اتحنيهــــــــــــــــه
..
أنته رجــــــــــال وأمــــــــــام وعالم
وهيه حرمـــــــــه وصارت بچف ظالم
وحيده وعليهـــــــــه السياط اتهاجم
سيدي اوليت حقد واليهـــــــــــــــه
..
أنته وحــــــــــدك بالسجن يابو الأباء
وهيـــه سجنوهه بخرابه اويه النساء
وابو فاضل والحسين بكربــــــــــــلاء
وعالحزن محد يجي يواسيهــــــــــه
..
من تصلي اعله الجدم أنتـــه تدوس
وهيه ذاك اليـــــــوم صلت بالجلوس
حيل ماعدهــــــــــه لأن كل الرؤس
عالرماح اگبالهه امخليهــــــــــــــه
..
الناس يم گبتك تجي وتوگف قصاص
وهيه گبتهــــه تـــون امن الرصاص
بالحزن يالكاظم الحـــــره اختصاص
فاطمه وحيدر علي امخرجيهـــــه
..
مصابكم يالكاظم الأذانـــــــــــــــه
لمن نذكر زينب الحزنانــــــــــــــه
ندري بيك اعليهه تبچي اويانــــــه
بذكرى موتك سيدي وترثيهــــــــه




منقول

[الملاذ الاخير]

السلام على كاظم الغيظ الامام موسى ابن جعفر (ع)
يسلموااااااا للنقل فقار الورد
بوركت

[ضياءكاظم]

السلام على كاظم الغيظ الامام موسى ابن جعفر (ع)
احسنت اخي

[فقار الكرخي]

منورين .