درر العراق

جولين · 7/May/2015

محتاجك صحت بس انت ما رديت
راح اكطع الساني الصاح محتاجك

بيه حسرة بكد صبر شعب العراق ...
من اهدهه يفيض بعيوني الوطن ....

كان يا ماكان.
هيج اجاوب
لو يسئلوني عليك !!!

شسولفلك والك ............كبرااان
بيني وبين المراية سواالف شيب ...

انه متاني الكبر ..... يحضني حتى ارتاح

اليحب اول ايامه ..... بعقله تلكه خبال

يغص بالدكة كلبي ......... كبال طاريك

تغيرت ريحتك من ......... كثر ما حضنوك

المطرت والصحت ......... شمحصل العاكول

الجبير بهالوكت ! !!!!
مو بلعمر ... بهموم

جرحك والزمن ........ ولية مخانيث

خطية الملح كل ما واحد يخون
نذب الصوج بي ونكول ما غزر

اليستغرب ضحكتي بصفنتي شمدريه
تجي ابالي ضحكتك واضحك وياهه

كون اضمك ,,,
ناخذ الليل اعله صفحة
والكمر نخنك ضواه !!

تعال افرشلك ورد ......... كد الحقارة البيك !!

اليستحي من ( الحب )
نقص روحية بي !!

تعددت الاسباب والموت واحد
الف مرة متت والسبب انت

لزم شباج حيدر حلف ميخون
التهينه نطوف
تيهته .. اندرت .. خان

على سجة الخاطر فات هجرك ريل
ماضل بيه خاطر خاطر تكسره

سكف راسي يخر من رحت لليوم
ينكط ذكرياتك ذكرة ذكرة

جزعانة روحي وعلي
والدنيا لو مدرسة !!
جا بطلت منها

انه بيت وجرحي صار الباب
لا تدك الباب جف ايدك ملح

بيه حسرت شوك ..؟؟ .. تشك العشك شك

مانحب الما يحب ملكانه
احنه صرنه ومحد السوانه

تره العاشك صدك يلبس جفن وينام
اذا يسمع حبيبه لعبوا بشعره

عاجبني
اشرب عشك .
بس خايف ..؟؟
اسكر هجر ..!!

ع طاري العشك خيولي كلها تخون

احجيلك عالوفه تسكت متحجي وياي
شو بس الخيانة السانك شطووله

وسفه الملتقى يصير رسميات .
السلام بلا حبيبي جنه طرده

لابس ماي جيتك من جنت عطشان
شلبسلك ملح وتغزر العشره

انه الميزان اكرهه مو وفي يخون
الثكيل ينزله والفارغ يعليه ....

العفيفة من النفس صاغت حجاب
الوكحة وكحة لو تلبسها جفن !!!

رايدلي محب ابجي ...... اعله صدره هموم

الطفولة احلامنا وراحتنه بلموت ...
كلمة شاب اصلا ما عرفناها ...

راح وكت المستحه وكت السكوت
كبل اسكت ع الطعن هسة اختلف

شحصلت يكلبي من صرت ناعور
همه اخضر زرعهم وانته بس تفتر

تعال بلا مهر كبع وخذ حسرات

لاحن ولا اهواك ما عرفك انه
لا تحجي بعد وياي كافي ميانة

اليعشك من صدك ..... ينسه الشمس يالوووون

هوووه شنو العشك
واحد يضل للصبح
والثاني ميت منجرح

ليلي كافي ... الشمس نثية وعيب احشمهه عليك