هنا

[فقار الكرخي]

يالله ياروحي بعد موكافي
هواي صعدتيهم اعله اجتافي
ــــــــ…………… ـــــــ
لا اخو يوافي ولا يوافي صديق
ولا حبيب يكمل اويايه الطريق
وسعه دنيانه ولاكن من تضيق
كلها خوانه وبعد متوافي
يالله ياروحي بعد موكافي
ــــــــ…………… ــــــــ
ليش دللتيهم واني الثمن
انا وياهم جمعتينه بصحن
تالي دولاب وعكس فرها الزمن
خبط ميهم واني اكولن صافي
يالله ياروحي بعد موكافي
ــــــــ……….. ـــــــــــ
انتي موروحي ولاريدج الي
هو صوجي وكتلج اني ادللي
لا بعد ما اعشك اولا ابتلي
هيبه اني والكرامه اوصافي
يالله ياروحي بعد موكافي

[سمراء من قوم عيسى]

[ملاک الکون]

جمیله الکلمات
شکرا" الک علی تمیزک
تحیاتی

[فقار الكرخي]

منورين