هنا

[تّـفـاَصيلـٓ]

نبراس العگيلي… ليش اسبايكر


ليش اسبايكر خليتي بيه اجروح
ليش اسبايكر شنهي الوطن بعتي
ليش اسبايكر عليتي صوت الموت
وصوت الخوه والضحكات سكنتيه
ليش اسبايكر ثوب الستر عنج وين
شنو ثوب الستر مشكوك ذبيتيه
شنهو اسبايكر ذواقه مال ادموم
حلوو دم الزلم بي غيره من ضكتيه
يگاع اسبايكر خل نكشف المضموم
بعد ما ضل وكت للحجي حتى اخفيه
ليش اشما اسامح ما يفيد وياج
واجه يشفى الجرح وبملح ذريتيه
ليش اشما اكولن راح زينه تصير
تبينيلي العكس وكل ضني خيبتيه
الف وسبعمئه شلونهم عجبوج
ولد الملحه بيهم كل حلو شفتيه
ذبحتي اجم حلم جم عاشك وعريس
وجم شارب شهم بتراب لطختيه
ذبحتي جم حبيبه تنتظر محبوب
وليش اشكم محب عن محب فاركتيه
شكم غرفه بقت تنتظر راع البيت
وجم خد للبنات الحلو خرطتيه

[علي الشمري]

عاشت الايادي
حلووو
ومؤلمه

[حہيہدر الہبغہداديہ]

دعيني أنحي قلمي قليلا
أقف أحتراما لكِ
ولقلمك
وأشد على يديك لهذا الابداع
الذي هز أركان المكان

[تّـفـاَصيلـٓ]

اسعدني مروركم وتواجدكم

[ابو بنين]

سبايكر جرح العراق النازف . احسنت النشر وهي مؤلمة جدا وقد نكأت الجرح ولما يندمل

[تّـفـاَصيلـٓ]

شكرا للتواجد