هنا

[فقار الكرخي]

انة بعدك بقايا انسان ضليت
رحت مني وبقت نارك بالضوع
تعال وشوف حالي اشلونة بجفاك
مثل وردة وعليهة الماي مكطووع
كتلي اسبوع وارجع طولت ليش
خمس سنين مرن فوك الاسبوع
انة كتلهة عيني الدمع مو زين
لان رسمك حبيبي بعيني مطبوووع
واخاف ابجي وتزيد العبرة وياي
وما احس الة طايح وية الدمووع
انت تنام واني مصاحب اليل
باقي اكتب شعر بكليب موجوع
قسم بالله بعدك ماشفت نووووم
ياموضوع بيك يجرلة موضوع
جوعانة عيني تريد ملكاك
تعال ومر ثواب الاجر ممنوع
الك جم صورة عندي وحرف تذكار
بضميرك هنة ذني يسدن الجووع
احس هجرك مدينة بروحي مرسوووم
وطعناتك مطر وجرووحك فروووع
انة بلياك دمي اطورر اهواي
شد حيلة بغيابك صار ينبووع
منتضرك تعال الباب مفتووح
يل جيتك بخور وياس وشموووع
اصيحلك تعال بكل الاوقات
ولو حبل الوصل وياك مكطوووووع

[يوجين]

متألق كالعادة بكتاباتك
تحيتي

[سمراء من قوم عيسى]

الله عليك
عاشت ايدك يا مبدع

[علي الشمري]

حلوووو
بس ما يجي
عاشت الايادي
اختيار رائع

[الملاذ الاخير]

كالعادة الابداع من سماتك فقار الورد