حسين الساعدي ومريم حسين -مساجلة ما يلكه راحه
مساجلة مايلكه راحه
الشاعر حسين الساعدي
ومريم حسين
:::::
أرد أسئل العلام واهل السماحه
ليش اليوافي اليوم ما يلكه راحه؟؟
حسين الساعدي
--------------------------
لا تسئل العلام خليها سكته
غدروني كومه احباب واخرهم انته؟
مريم
--------------------------
سولفت نكته ابهاي كلش قويه
جارحني وانته انوب تعتب عليه!!
ااالساعدي
-----------------------------
خل نشتكي الهلناس ولكل فريضه
ياروح الي الوياك ضلت مريضه!
مريم
---------------------------
لا تشتكي ولتكول تتندم ابهاي
واجروحك ابكل يوم يتغطن اوياي
ااالساعدي
-----------------------------
عد وانه اعد وانشوف ياهاكثر اجروح
واحسبهن انته اياي ومترسه الروح
مريم
---------------------------
تحسبلي بالشخطات وتظنهن اهواي!
جرح الجبير اليوم يتمشه وياي
ااالساعدي
----------------------------
جرحك وَهم يفلان وجروحي انه
والجرح هيبه وزين يعرف مكانه
مريم
-----------------------------
وجروحك اشما اتكون كلهن زعاطيط
وجروحي كلها اشيوخ لبست قبابيط
ااالساعدي
------------------------------
عيني التحب ملكاك ضلت حزينه
دمعتها تالي الليل وتكلي وينه
مريم
--------------------------
عينك وكيحه اوياي كلش وكيحه
تتقصد ابخزرات روحي االجريحه
ااالساعدي
--------------------------
أنه ادري وبدنياي لو حضي كاعد
وابنيلي دار اهناك يم السواعد
مريم
----------------------------
لا لا تقرب الدار لا ما نريدك
الا وتجيب الروح ماخذها بيدك
ااالساعدي
رد مع اقتباس
المشاركة الأصلية كتبت بواسطة مريم الحبيبه
