هنا

[فقار الكرخي]

هذا حيدر بطل خيبر هذا حماي الحمه
قالع الباب بيمينه هذا ابو الحمله علينه
****************
من نراجع يوم خيبر والجره
ننحني بأجلال أحنه الحيدره
وين مرحب وين ربعه وخيبره
بسيفه ابو الحملة بطلهم گنطرة
لمن اغضب شطر مرحب علي راعي الموزمة
خلّه كل خيبر حزينة هذا ابو الحمله علينه
**********************
قلع ذاك الباب من شاف الرسول
ينظر ومحتار ما يدري شيگول
صار بيده گنطرة اتدّوسه الخيول
وتعبر بزود الولي فحل الفحول
قلع بابه والصحابة من خجلهم نادمة
محد يگوم ويعينه هذا ابو الحمله علينه
********************

قدّم الأصحاب طه الهالأمـــــر
بلكي تكمل بيهم اعلوم النصر
وبيهم الجيش ايتراجع يندحر
هذا يوم الموزمة وماكو عذر
كلهه ردت ما تحدّت للهزيمه امحزّمة
يدري اليحلهه ولينه هذا ابو الحمله علينه
*********************
گال باچر راية أنطيهه الرجـــل
يحبه ربه الخالقه وخير الرسل
يفتح الله برايته كل السبــــــــل
وديني ابهالعصمة واجب يكتمل
سيفه يلهم لو تحزم يكتب اعظم ملحمة
بس عرف زوده نبينه هذا ابو الحمله علينه
*********************
يمشي ويّه الجيش عنوان الصمود
تلوذ بيه وكت الشدد كل الجنود
هوه جيش الوَحده يعبر كل حدود
الهذا يوم الله تهاب اسمه اليهود
وبفقاره يحمي جاره عله نفسه يقدّمه
ما يصل وصفه حچينه هذا ابو الحمله علينه
*****************
ألشاعر قاسم المندلاوي

[ٱجَمل ٱنٌسًٱنٌة]

روووووووووووعات

السلام على مولاي ابا الحسن

[تّـفـاَصيلـٓ]

روعات جدا احسنت فقار
وعيد سعيد عليكم و على كل الامه الاسلاميه
وشكرا ع الطرح

[فقار الكرخي]

نورتو الموضوع