عفنه المستحه والخجل ذبيناه
وجنتنا امتلت وگصصنا ماتندي
مابيها بعد خالنحجي عالمكشوف
خالنحجي الصراحه نسولف النقدي
اخذت اصواتنا وسلمولي ماشفناك
هم نغلط بعد ومن الصفر نبدي
ما أغلط بعد وانطيك صوتي النوب
بس انطيك صوتي تعوفني بوحدي
امس جديت منك ماسمعت الصوت
مشيت وثولتها وأذنك بسدي
شوف شلون خلصن والليالي ادور
او رجعت انت عليه وجايني تگدي
لتگلي غده وتحجيلي عالأكلات
مو مالت غده وممنون متغدي
احجيلي شكثر طاحت وراك حظوظ
ﭼم بيت انهدم والحال متردي
ﭼم عرض انهتك ﭼم طفل نام بليل
نشفت غيرتك ولسانك مصدي
أنا سنين اللي مرن وانت بيها هناك
نخلني نخل وك مردن جبدي
أنت بنزهتك وآنه أشفو في الطبرات
وجفوف الغريب تسطر بخدي
وراجعلي بدرب عمرنا والأعمار
مال دروب هي أصوات ماعندي
لا عندي أيتام كومه بلا عشه يباتون
من جوعه الأحضنه يعضعض بزندي
وعدنا هواي أرامل باعن السجاد
نامن عالحصر يالخيرك يبدي
وعندي جروح جمله بنص دليلي تبات
على هذا الوطن واحدهن بگدي
وعندي تراب گاعي يسلوي ملك الكون
ما أملك شبر ما أريد بس لحدي
علگ صورتك عالمنجز التبنيه
تجيك أصواتي هي وتنگلب ضدي
مو لازگلي صوره بمية ألف دينار
وجوه الصوره واحدگاعد يگدي
منقول
رد مع اقتباس
المشاركة الأصلية كتبت بواسطة اجمل انسانة
