شعاجبج بيه عمت عيني عليج
شعاجبج بيه عمت عيني عليج
حظچ اسود چنه وجهي
مسحي دربي ولا تجين
انتي جنچ فدوه ل الله تخبلين
يوسف شگد حلو بصفج لو وگف
يطلع بلال
وانه بالغميضه ما ضايك حلال
انتي عمرج جم دقيقه
وانه عد اهلي عتيگ
ال حللو نبرات صوتي اندلو اصحاب الكهف
وانتي من صوتج اكتشفو الة الگيتار غني
سوالفچ كلهه حداثه
مطعمه حروف اجنبيه
ليش ما جيتي بزمن ادم ابوي
جا قنع قابيل بيج
وما كتل هابيل اخوي
بيه شلچ حبي گدج شاب بي حيل السهر
من تعطشين ب اشاره
ينزل اشكال المطر
وكتي علمني اشبگ الحايط وانام
والفجر لو ما افز يبطلوني من الدوام
انتي چيتيني بظرف مابي رساله
شلون اصدگ بيج دين
هي مو كل عذره مريم
انتي لو مقتنعه بيه
ليش من عبرن صديقاتج علينه
ادنگين
واگفه بحجة دفاتر تشترين
انتي مهرج غالي بس تستاهلين
مهرج يلبس جهال اخواني عيد
راح اموت وما شفتهم كاشخين
م
رد مع اقتباس
