مبارك الكون بذكرى ولادة أمير المؤمنين عليه السلام
أقول في مولده :
قصة مولدك ترويهة كل الناس
أجت للكعبة أمك وولدت بيهة
دعت والحايط انشكَـ احتفاءا بيك
وطلكَت بالحرم محد وصل ليهة
رواية بلا طعم لن الحقيقة تكَول
الكعبة اللي طلكَت وأمك تباريهة
علي وبيا عقل افرضهة حامل بيك
وانته الحامل الدنية وتهز بيهة
علي وبيا عقل تحمي أمك الجدران
والكل بيك لاذت حتة تحميهة
شبيهة مريم الجابت مندري منين
وحقيقة مولدك أصلا مندريهة
وشكَـ الحايط بمولدك راد يكَول
أنته أمك الكعبة ويشهد عليهة
وكرامة لبت أسد ردت انته ابنهة تصير
لن فاطم اسمهة وهذا يكفيهة
شبيه الفجر وجهك ( علي ) ... من طر
وحايط مولدك لليوم ... منطر
يبن هذة الحرم لو كَلت ... منطر
ركن المستجار افرض عليه ... وسلامتكم !!
بقلمي الذليل امام رفعة الممدوح
1/5/2015
رد مع اقتباس
المشاركة الأصلية كتبت بواسطة جنة الروح
