هنا

[رشا نور]

السلام عليكم ..
دائما احلم انني لازلت في مرحلة الاعدادية وانني ادرس وفي فترة الامتحانات وان غدا ينتظرني امتحان وانا غير مستعدة له ابدا ..لااعلم لماذا يتكرر هذا الحلم علي يوميا اي اجد نفسي في المدرسة علما انني تخرجت من المدرسة منذ 15 سنة !

[انمار*]

حلم عجيب
اسف ما اعرف تفسيره

[سومر]

نأمل أن يكون رؤية خيروعافية إن شاءالله

[رشا نور]

انمار ..ليش حلم عجيب !!

[رشا نور]

حرامات عبالي المنتدى بيه مفسرين احلام !!

[انمار*]

انمار ..ليش حلم عجيب !!

ما ادري يمكن لان يتكرر
اني اخاف اذا اتحلم بشي ويتكرر
احس نفسي اتابع فلم رعب هههه

[رشا نور]

هو مرات ينقلب فلم رعب ههههه

[بشير العراقي]

عاشت ايدك

[ملاك96]

وعليكم السلام

هذا الحلم رغم انه يتكرر فعادي وما اله تفسير حقيقي غير ان التأثر بفترة الدراسه هي السبب .. اعرف هواي اشخاص يتحلمون بمثل هذا الحلم بالضبط همين يتحلمون كأنهم بمدرسه وعدهم امتحان
مثل ماكلتلج فترة الدراسه والمدرسه هي فترة الهه تأثير كبير على عقل الانسان الباطني حتلو تكولين اني ما متأثره بالمدرسه بس بالحقيقه عقلج الباطني يكول غير شي ..
الخوف من الامتحان والخوف من الفشل بيه هي اكثر ذكرى ظاله في عقلج لذلك تتكرر كحلم ..

وان شاء الله خير وماكو شي
وترة مو كل الاحلام الهه تفسير



لا تكولين اني اعرف افسر هذا مو تفسير هذي مجرد تذكير ببعض الحقائق العلميه والتجارب الي مرو بيهه اشخاص قبلج

[خريجة هندسة كيمياوية]

هذه الرؤيا تعكس الحالة النفسية الي تمرين بيها .. وبالاخص حالة الخوف والقلق يترجمها الدماغ على شكل رؤيا عند النوم وهذا الظاهر من رؤيه الامتحان وعدم القدرة على حل الاسئلة
والله اعلم