دعونا نتعرف على جانب جميل عشناه جميعنا وتمنينا عودته جميعا ً
لنبدأ على بركة الله
باحلى ايامنا
!
[ المحطه الاولى ]
اوصف طفولتك بجملة واحدة
حياة نقية خالية من الكذب والنفاق
.
.
[ المحطة الثانية ]
ما هو اجمل موقف او اجمل ذكرى تتذكرها من طفولتك ؟
يمعودة مو نفضحنة من ورا هاي الموضوع
اخاف يشوفها احمد الاوسي وشخلصني
المواقف هواية ...بس هذا الموقف اذكرة ع طول
كان حرب ايران واحنة اطفال والبصرة عانت هواية من الحرب
وجاي نلعب اني واخوي بالبايسكلات وصار القصف وكعت الصواريخ بمنطقتنة
اريد نرجع للبيت شلنة البايسكلات وركضنة بيها ... عبالنة نوصل اسرع على رجلينة
سنو شذكرتيني ... شلون يوم
وبعد موقف اضبط من عندة ماما متقبل نطلع ابد
صار الكركيعان ضلينة نلح ماما فدوة خلينة نطلع وية الجهال
قنعناها كالت روحوا بس شوية وترجعون ... بس طلعنة وهاي اول مرة تقبل النة
اني على اساس القائد مالتهم جبتهم ودخلتهم بحلك الجلب(اجلكم الله)
وانتم تخيلو منظرنة بوقتها ... خصم السالفة كطع ملابسنة تكطع
وليلة كاملة بالمستشفى فحوصات وعلاجات وابر .
.
.
[ المحطة الثالثة ]
ما هو أصعب أو أحزن موقف مر عليك في طفولتك ؟
من دخلت ماما للمستشفى ومحد بقى يمنة واني صغيرة وتحملت مسؤولية اخواني
لمدة 15 يوم
.
.
[ المحطة الرابعة ]
ما هي أجمل هدية تلقيتها في طفولتك ولم تنساها لليوم ؟
هواية الهداية ... لان طبع بابا يكافئنا على كل شي زين نسوية
بس احلى هدية ولا زالت موجودة عندي من نجحت من الاول الابتدائي للثاني
كان مسافر وعرف اني نجحت جابلي لاعابة تتخلالها كاسيتات على شكل اقراص صغيرة وتغني عربي انكيزي
لازالت موجودة وبت اخوي تعاركني عليها ... تكول عمة انت كبرتي انطينياها
.
.
.
[ المحطة الخامسة ]
هل هناك انسان معين كرهته في طفولتك .. ولماذا ؟
لا
ابد ماكره احد لا من طفلة ولا من كبرت
.
.
[ المحطة السادسة ]
ما هي اصعب مرة اكلت كتلة فيها ولا زالت محفورة في ذاكرتك وسبب الكتله شو كان؟
اليوم وين رجعتيني سنو الى احلى ايام عمري
اول ماسجلت بالمدرسة كلشي اعرف اتهجة واقرأ بس كلمة وحدة ماعرف شلون اتهجاها وادوخ بيها لحد ما اخذتلي كتلة يالله حفظتها من الخوف مو عرفت اقراها ..... (داران) كانت مشكلة عندي ..
.
.
[ المحطة السابعة ]
هل كنت غيور بطفولتك من اخوانك وتحس فيه تمييز بينك وبينهم ؟
اني طبيعتي غيورة
بس من اخواني ما اغار لان حبي الهم يخليني افضلهم على نفسي
.
.
[ المحطة الثآمنه ]
ما هي اكثر وافضل لعبة كنت تلعبها و أنت صغير ؟
الحبل ... التوكي ...الدعابل وية اخوي الله يرحمة
.
.
[ المحطة التاسعة ]
هل ستربي اولادك بنفس الطريقة التي تربيت بها في طفولتك؟
اكيد ... لان ماما وبابا تعبوا علينة هواية واساس الي وصلنالة تربيتهم الصح وتعبهم علينة
وكل ام اب مو بس اهلي هيج يتعبون على اولادهم ... ولكن وقتنا هذا امكانيات متاحة اكثر لتربية
تواكب العصر .... و تبقى اسس التربية نفسها متتغير.
[ المحطة العاشرة ]
شنو كنت تتمنى تصير من تكبر؟؟
كان امنيتي اكمل الطب.. واصير طبيبة
وهل تحقق الحلم ام العكس تمام
للاسف ما تحقق الحلم .. وختصيت بمجال بعيد كل البعد عن حلمي
الحمد لله اني هسة في احسن حال .
ليس كل مايتمناه المرء يدركه
بالختام
شكراااااا سنو من كل اعماق قلبي
لان رجعتيلي احلى الذكريات ...طبعا هي هواية
بس الي حضرني منها بهلحظة
شكراااا مرة ثانية
وغيرتي المود مالتي من السيئ الى الحسن
ممنونة الج 
دالــــــــــــين
ـــــو
رد مع اقتباس
المشاركة الأصلية كتبت بواسطة Daleen
