انه روجة غيض وبداخلها نار
الحاول يمس جرفي يتجوه بجمر
شامخ الوكفه مثل نخل الجنوب
لجن البيناتنا فرق شكثر
انطي جلماتي فقط لليشترون
هي ياهو يمرها تشمرله تمر
انه جلمة بخت بحلوك المظيف
المايدور بخت من نسل الشمر
هلا مرحب للي يستاهل اكول
والتأخر عني اطلبنه يمر
هذا انه واضح بكل محتواي
علمت دنياي بدروس الصبر
انه للحباني شجرة ياسمين
والبغضني بوجهة عاكول انتثر
انه للعطشان اصيرن كلي ماي
دجله وعذوبتها بالريج انه امر
لفكر يذمني بشعر كله ستريح
انه من كاطع خذت درس الشعر
ارضع بالشعر من هزت الايد
والراضع شعر لتظن ينعبر
الفكرة بيه تمر كبل لاتعتنيك
والي ماتعجبني يمك تنشمر