يمه كولي شلون اسولفلج عليج
وانتي سالوفة لغز لاما يحل
يل غرامج بيه ماظنه يقاس
جزء من حبي عبر كوكب زحل
يل حروفج تجري وي دورة دماي
ياكمر عمر ١١ توة اكتمل
يلي جنة الباري بقدامج تصير
يل رضعنة بطرف اصابيعج عسل
بنظرة عيونج احس الدنيا شوك
شوك عاشك لو يمر وكت الثمل
هايغيمة عاطفة تمطر غرام
شما تمطر بينا مايحصل بلل
رايد بوصفج ييمه اصبح دقيق
ما اريداً بالشعر قيله وقل
رايد استنكي الابد ما طرقو
وكون ما واحد اله بشعرة وصل
كون اوصفلج وصف لايك عليج
يمه وصفج بالقصايد ماحصل
انذر سنيني تحت رجلج مداس
يلي وصفج عجز افكار الجمل
لورد يخجل لو يمر طولج عليه
لورد لجلج يمه شو ذاب وخجل
سر جبير شلون افسرنة بكلام
وهذا سر البير ماشاله وحمل
خلي من سرج اوضح لو قليل
الورد للزينه ندريه انشتل
يمه منج شو اخذ كل العطور
الاخص الجوري بالشيله استحل
عطرج اتميز لان عطر الجنان
ياقدرة الخالقج جله وجل
رد مع اقتباس
