وشنسولف
ظاعت السالوفه من يوم المشيت
وشنسولف
ودعينه حروفنه بموج البحر
احنه ياسالوفة المشحوف والهور
تاه وسط الهور مايوجدله أثر
خل نبطل مانسولف
بعد مانطري العشك لاهل العشك
ودعينه حساس وردة
بعد مامش النه ردة
حساسنه حساس الظرير التمنى يشوف ولفه
حساسنه حساس الأصم التمنى ولو يسمع كلمة ترفه
حساسنه جن وحدة عانس تمنت المعرس وزفه
وشنسولف
وحشة الاحساس لو مر الظلام
وحشة ام المغربيه الظعن مامر بحظنها
وشنسولف
عن عشك يتسمى اصبح كان ياماكان
خل نبطل
خل نمر دروب بيها الذكريات
والي يسأل عن عشكنه كله جان وهسه مات
رد مع اقتباس