لاتسولف بالحرب تاليته موت
ياعراق وياي سولف عل ورد
سولف وياي بغزل حب وغرام
حجيلي عن عاشك لمن ولفه يرد
ياعراق وداعتك مابيه حيل
الي يحجوله بحرب ماينسعد
خل نسولف بالدفو بحظنة حبيب
ياحلاة الحظن بوقات البرد
ياعراق الحرب لسمك مايلوك
طلك اسمة وخله منك يبتعد
خلي موضوع العشك ولفك يصير
يلي اسمك وشم بطراف الزند
ياعراق اتأكد انحبك بحيث
انت سالوفه غرام لكل فرد
كل قوائم تنجرد مهما يكون
وانت قائمتك فلا مرت جرد
شلون نجرد وانت ينبوع الحياة
واحنه كل لوقات لحروفك نصد
ياعراق حسين يابو المكرمات
واجب اليتنطق اسمك يستعد
وكفت استعداد لجلك ياعرق
ويمك الجلمات حصراً تنعكد
انت ياحيد المراجل يا اصيل
يحصد بكل وكت بس ما ينحصد
الفكر ايلامس اذيالك ياعراق
تحت رجلينه وغلاتك ينمرد
انت يا امي وابوي وكل هواي
ياعبير الكون ياعطر الورد
رد مع اقتباس