((( ماريد ))))
لبيناتنا ذكرة وجرح
واحظان ما تنمسح
شايلك الحب من صدك
حب سهر مايوجد صبح
صدكني لو انطق حرف
بلسانهم تنفظح
لحد هسه استخدم عقل
ماريد اسببلك جرح
وانت فتحت جرحي غصب
وترشلي فوكا صم ملح
اطلبلي ربك هيج اضل
ماريد اشيلك زعل
مثل الارض والفلح
يل واعدتني شجم وعد
واحجيت كلشي المايصح
اطلب اظل عاقل فعل
ماريد اشوفك تنذبح
ماريد تعثر بالمشي
ولو صاحو اسمك تنجبح
ماريد متعلعل تظل
مثل اليضربونه برمح
احجي بمشاعر صادقه
ولظن امد جف الصلح
يل شفتك بين ادي
سهرانه حد الصبح
بيها اوضعت جم وشم
بتيزاب ماينمسح
ماردت اكظ شفتك
لجنها ظلت تلح
من الهوة اخجل جنت
وتكلي شخصك وكح
ابنيت صرح الحلم
بيدك هدمت الصرح
حاولت اسد جرحي بهمس
لجن رفض ظل منفتح
ختاريت درب الموت وانه
مليت من كلبي السمح
رد مع اقتباس
