ياربعي افرحولي افرحت
من جنه نشتم الهوى
من جانت النجمه الصدك
لو ضاعت بخد الكمر مبيوكه تطلع شامته
من جنه ما نعرف جذب
نزاعل ونرجع نحب
من جان اليطول بالزعل يرجع يحبنه بساعته
من عدها قررت التحق
عفت اني صحباني وهلي
وبريحة امي اتعطرت وعكال ابوي وصايته
افيش مستشهد طحت
ياربعي افرحولي افرحت
الميت بدمه الورد بس هوه يعرف حالته
هنيالي بس ااخ الألم
هنيالي ارد من الحرب
تابوتي ملفوف بعلم
هنياله بجنازه الرجع صحبانه شالو رايته
شوفو امي حلفوهه بعلي
بتابوت لو يمهه وفتت
ما تبجي اريدن ساكته
كالولي متوازي ورحت
كالولي ليش استعجلت
كتلهم الدنيا ارخصت والناس احسن باهته
مجروح من جتفه الوطن
شفته انه وعيوني استحن
أي هوه جاا حقه الكبر ياخذ شخص مو مالته
صحباني ما أريد البجي
ذكروني لو بس بالحجي
المشتاك إليه ومختنك بس خل يشوف امرايته
لاهي صوركم بالكبر
ولانه العفتكم وأنتظر
دفاني مستعجل دفن محد يسوي اسوايته
هاي آخر اوصيه الي
دفنوني يم حيدر علي
وخلوني اشم اولايته
رد مع اقتباس
شكرااا فقار للنشر قصيدة اكثر من رائعة
