إلهي الموت بيدك لو بكيفه يطيح ؟
النشد هوّس بروحي وشرع البيبان !
البعمر العرس للگبر ليش يروح ؟
شوف المگبره انترست ترس شبان
جم كعبة سجد بمتونهه السجيل
جم مريم بجت واتلثم البستان
مدري الياشمس بايع ضميرة الغيم
ماسولف وظل وجه الورد ذبلان
القلق والخوف واصل للشجر للطير
وبگلب السما طعنة مشة الدخان
درينه الگاع ذمة برگبة الخيرين
بس انموت ليش الخاطر التيجان
أبو النهرين بسك مو گضينة انذور
هاك الخارطة وخمهن إلسان إلسان
شوف شگدحجي باهـــت ومـاينــگــال
شوف شجم حلم بالجفن مر وانهان
المنايا تلوحنه وانهوّس معرسين
ونتسابگ نواعير إلضمه الگيعان
نفر بالنايبة فرّت الگاطع ليل
وتذبحنه مناجل خبر موت فلان
نطب لبيوتنه بس ذكريات احباب
صورهم صارت مشابگ اعله الحيطان!!!!!!!!!!!!!
م
رد مع اقتباس
المشاركة الأصلية كتبت بواسطة النقيب
