((يشمــعــة))
..قصيدة عن لسان حال والد أحد شهداء سبايكر المغدورين..
شمعة إنصَـبتهة إعلة الجِـسِـر أحاجيهة بَـسْــكوت
أو يم الشَــمِـع سَــطَــرِتْ جَـم دَمـــعــة...
يشمعـة إشتعلي ضويلي المـكان
دليني إعلة كَــبر اوليدي بسرعـة...
أرد أعاتبة عتاب من كَــلب تعـبان
وأشوفن شنهو رَدة وأسمعــة...
ماأشوفن عيوني طَفَـتهة الأحزان
رِدتَك عون يوليدي إبساعةِالفزعة...
كَــلِـتْ لَـوَن ظَهري ينكسر أتجي إعلة يمنـاك
او لو مِـتتْ جسمي مَـحَد غيرك يّـشَـيعة...
شبساع إرحلتْ ماكتلك الله وياك
خذاك مني الموت يوليدي شبسرعة...
جِـيتَك لِسـبايكر ناصبلك جواديـر
عالجِـسِر الذبحوك بي أبوابهة امشرعة...
تَــبَــاً للوكَــت مَــوَتنة عدلين
والهوة من بعدك جَن سِم أو نِجِرعة...
بس أسألك بوية ذبحوك ليش
إبيا سَبب هاي الناس مقتنعة...
جي كتلهم آنة أحِب لحسين؟؟
هيج إعليهم ضاكَـت الوسعة...
دَليني إعلة كَـبرك مو كَـلبي خلصان
أترسة بخور الك او ورد أزرعة...
يَشمــعة دليني إعلة كَـبرة خايبة شبيج
جا بس ابني ماعدة كَــبر يجمعة...؟
..إبتسامة فاترة
..
رد مع اقتباس
المشاركة الأصلية كتبت بواسطة عبدالله الاسدي
