اليوم ملك الموت سلمهه اله
وكله ياعباس هاذي كربله
انت اطبر ياكمر .. وانه اسطر عالنهر
همس عزرائيل وباذن الكمر
كله ياعباس انضـر للنـهـر
كون لون احمر تكلبه يالفخر
وسهله هاذي وابد لامومعضله
كله ياعباس احصدهم حصاد
وخلي سيفك يعلن اعليهم جهاد
وخل نريح الدنيه منهم والعباد
وهاي ذكره تبقه عدي امسجله
كله اقبض روحهم ياابا الفضل
وانه شغلي اليوم بس بيك احتفل
وراح اسلمك ياكمر هذا السجل
والسجل تمليه والله اتخيله
كله مـثل الغـنم خـليهه تصير
واسرع امن الريح كونك من تغير
خلي هاي الروس من عدهه تطير
وخلهه تذكر علي وتتخيله
كله اريد الكاع تهتز وتموج
كله شمرهم من فوك السروج
وكله خلي الجثث بدماهم تفوج
وكون حتى الخيل كلهه امجندله
ابكيفك اتخـير يسبع الكنطره
واكطع الروس التعادي حيدره
واسمه يئسجل انـتـه التسطـره
يطلع ابوجهه الجهنم محفله
كـله ذكرهم ببوك وحملته
جنت ما الحك اسجل طبرته
ايزلزل الدنيه والله ابصولته
وانت مثله ياابن عقد الوله
كله عونك ياملك رب السماء
امعلم انه عالشجاعه والوفاء
راح اخلي العلكمي يجري دماء
وراح اوفي لبن اطهر منزله
كله شنهوالماي يعصه اعالكفيل
والله اخلي النهر يصرخلي دخيل
وراح اجيبه اكبال ابو اليمه ذليل
وانه عد جلمتي راعي المرجله
كله لترس عينهم من الدمع
وماتهمني اجيوشهم لوتتجمع
والله اخلي الروس منهم تنشلع
ومااثني وتشهـد اعليه المله
كله ياعباس منـك والنـعـم
انه اعرفك شهم لاماتـنهزم
ادري من زغرك امبجيهه الزلم
واسم سبع الكنطره لشخصك حله
رد مع اقتباس
