هنا

[فقار الكرخي]

يا گـبـر اليلمك گـلي يا تابوت ؟
يادمعه العليك الخاطر اتجبره ؟
اسمك بالكبر ميفوت ادفنك وين
اذا دخلته يطلع كم حرف بره
چنت ويا اصدقائك خيط وابره اتصير
تخيطلهم مواقف لو شفت ثغره
واصد لجنازتك امك وكم مفجوع
موجودين بس ووجوهم صفره
العليهم هونت روحك فلا يسوون
گبل لتموت ماتت بيهم العشره
الگبر مو مالتك مال اليدفعك بي
تدگ الباب حتى ابطبة الحفره
ابمكانك لو متت يمكن اهواي ارتاح
يل ارتاحيت ابشرك ما شفت گطره
يطلع كم ضلع من اهد عبره اعليك
النفس من يدخل اگعد ساعه انتظره
كلشي ابغيبتك يوجعني حتى الشوف
على بدلت زواجك تكتل النظره
اذا تاخذ الصوتي صوره تلگه اكبور
امن اسولف بيك تطلع جثه بالنبره
دمعت امك عليك ابطول نهر النيل
واضافرها اعله موتك حفرت المجره
صارت ناي امك بالشكل والصوت
من اتسولف عليك الحايط اتكسره
من اتشوف اصدقائك تگعد اسبوعين
امك بالفراش وضيمها اشكبره
متت مره انته وادري ابموتك ارتاحيت
يذكروك وتموت امك الف مره
عفت مو بس مواقف ذكرى حلوه وياي
الف رحمة اعله روحك توجع الذكرى
احسك ما متت سفره اطلعت بس وين
عالفردوس گلي اشلونها السفره ؟ م

[حـــلاة الـــروح]

احسك مامتت
الله اكبر احساس مؤلم
شكرا لك اخي
جهود مميزة

[تّـفـاَصيلـٓ]

ﺍﺑﻤﻜﺎﻧﻚ ﻟﻮ ﻣﺘﺖ ﻳﻤﻜﻦ ﺍﻫﻮﺍﻱ ﺍﺭﺗﺎﺡ

ااه مؤلم جدا
شكرا ع الطرح

[sarah sona]

عاش احساسك
شكراا لحضرتك

[ٱجَمل ٱنٌسًٱنٌة]

عاشت الايادي

[ديره ورد]

عتيكه المكبره ومن متت كشخت بيم الله يرحم شهداء العراق

[سمراء من قوم عيسى]

اكول
كون الميت عله الكاع
يكعد لو سمع بامه
ويحجي وياحجي الميتين
ياكل كل ضلع ظمه
الما ضايك عرس ياناس
فشله المكبره تظمه

لم تهدا العبرة والم تجف الدمعه

[ملكةه]

صح لسانك يا شاعرنه

[علي الشمري]

عاشت الايادي
انتقاء رائع فقار

[الذهبي حسوني]

نتسأل ان كان هذا الالم يؤلم الكل

ف تبين ان هذا صنع متخصص للعراق فقط ....!

الى متى ونحن نتألم ولا يخرج ناصرنا نسأل الله ان ينال منه الظهور العجل العجل ياصاحب الزمان

فلا غيرك يعدل هذه الارض