أنا زعلان منك حيل وشايل لك بقلبي عتاب
وأتمنى تحمَّلني مثل ما أتحمل عتابك
ترى بعض الصراحة جرح وثقل ونرفزة وأعصاب
أبي تسمع كلامي زين وتمسك زين أعصابك
تعاهدنا أنا وإنتَ على إنا نكون أحباب
وأحبابك هم أحبابي وأحبابي هم أحبابك
وش الي غيرك فجأه تكلم وأذكر الأسباب
أنا بسمع كلامك زين وبسمع زين أسبابك
رغم كل الخطاء منك في وجهك ما قفلت الباب
ويوم أخطيت في حقك قفلت بوجهي أبوابك
كفاية تمتحني هم وخل من ذم فيني وعاب
ترى من عاب غيرك ولو طال الزمن عابك
ولا تفكر في يوم أنساك أو يشغلني عنك غياب
أنا أتنفسك أهواك وفيك أموت وأحيا بك
أنا ما أشوف أحد غيرك جميل بفتنته جذاب
أنا إعجابي فيك أعمى يفوق إعجاب إعجابك
أنا مهما قسى قلبي بكلمة منك أحسه ذاب
أنا من زود عشقي لك عشقت العطر في ثيابك
أنا يا ليت مغرم فيك أنا كلي في غرامك شاب
أحسك جزء من روحي ولا أتحمل غيابك
ولا قد طاب لي جرحك ولو جرحي لذاتك طاب
عجزت أقدر أشوف الدمع بل أطراف أهدابك
ولكن كل شيء إلا جزاة الصد بالترحاب
إذا صديت ترحابي ترى بصد ترحابك
تجافيني ولا همك ولا تحسب لي أي حساب
وأنا من زود عشقي لك أصونك وأحسب حسابك
ألا يا قسوة الصدمة تجيني منك الأصواب
وأنا الي كنت أقول الجرح إذا ما صابني صابك
رد مع اقتباس
