من گلبهم يكرهون
من گلبهم يكرهون
وبالغرام اتشوفهم يتجاملون
يضحكون بشفة زرگة
وبالبچي يتغامزون
الناس صارت ايد وحده
لهذا مايتصافحون
أولاً صارت احبك
ثانياً يتعارفون ..
الصراحه المبدا العيب الحرام
من گلتها الناس گاموا يضحكون ..
شگد قديييم ..
منين جايب هالسوالف؟
التراث العافه جدي
عفته .. منكم جيت اجدي
عفيه فد موضه جديده
فد ستايل مال هسه
روحي بيكم ارد اصون
وذاك يوم وهذا يوم
گلاده بيضه و بدي الوردي
ولليريد يصير شاعر
خل يشگ البنطرون !
التطور هيچ صار
المايعجبه وينتقد
هذا من عندك يغار !
القاضي والمتهم واحد
منين اجيب اليحكمون !
اولاً صارت احبك ..
تالي شو يتعارفون !
م
رد مع اقتباس
