بسم الله الرحمن الرحيم
اليوم وبعد غياب طويل رجعتلكم مشتاقلكم هواي من الألف الى الياء
مااطول عليكم خلينا بموضوعنا
المصايب جودرأ بيه وسكنآ
امسابك على الجرح يمشن وسكنآ
ابد ماكفتهن جروحي وسكنآ
بوسط كلبي وتزود جروح بيه
على حالي ابجي الليل ونهار
عكب ذاك المزامط تاليها ونهار
اطيحن يم رذيل الحال ونهار
تاليها يضحك النذل بيه
العواذل مايهمهم ابد فركاك
الكلب ذاب بغيابك ذكر فركاك
اصبر الروح كوة تنسة فركاك
خﻻفك بجت حتى شماتي عليه
صبح حبك فرض على الناس واجب
اليحبك ينطي يفدي العينين واجب
كلت خلي ابدي انا وانطي واجب
انا نطيتك عيوني ومافكرت بيه
ليالي الهجر تكتل حيل بعداك
بدة يصعب علي جر النفس بعداك
جنت وياك اتسامر صفت بعداك
مثل ليلة الوحشة تمر عليه
الكلب شيب من بعادك وهجرك
الشامت فرح من يسمع بهجرك
يولفي شبيك ماتسأل وهجرك
ذبحني وهيج الوعات بيه
عليك عيوني دم بالهجر صبن
على ولفي ابجن ياعيوني وصبن
اكثر الملح بالنعمة واصبن
اشو ولفي غدرني وخان بيه
اريد إيجي واسلي الروح مرات
اسكت الكلب مرة الروح مرات
اشو يسأل حبيب الكلب مرات
من عهد ذيج ليالينة سوية
رد مع اقتباس
المشاركة الأصلية كتبت بواسطة احمد الكرعاوي
