هنا

[الشاعر سيد كاظم الشرع]

الك وحدك يبو اليمه أدك وألطـــــم على راسي
أزورك والكلب حزنان عبرتــــي تخنك أنفاسي
أشم عطرك يبو الأكبر وشم أعطــــور عباسي
أضل طول العمر أهواك=لحد يوم المعاد أنعاك
أدك ولطم على راسي
--------------------
أدك والطم على الــمذبوح=أواسي فاطمــه الزهره
شما طال العمر أنعـــــــاك=يبن الطاهــــــره الحره
عسه سهم المثلث صــاب=صدري ولايصل صدره
اذكر حنة النســـــوان=أبخـــيمهن نار مسعـــره
من أذكر لوعة الأطفــال= مذعوره وتهل عبـــره
بكليبي تشب نيران=أنوح على الكضه عطشان
أدك والطم على راسي
------------
مصيبة زينب الكبــرى= أتزيد النوحي وألونه
اشعر بالمصاب ألصار=كأن الـــــيوم أشوفنه
أشوف الغوج من عوّد=وصل يم زينب وثنـه
يكلها راح أبو اليمـــــه= الجان مدلل أسكينـه
وعباس الكمر مطروح=مطفيه بسهم عينـــه
من حك المهر حزنان=الحال العابد الوجعان
أدك والطم على راسي
---------
ياخذني الألــم ويروح=لأرض يثرب أرد ردود
أدورعلى الزجيه ويـن=ما ألها كبر مــــــوجود
أعاين للحسن مهـــدوم=وسفه يغيب بحـرالجود
انشد عن علي السجـاد=وبنه الباقر المفكــــــود
يجاوبني ألصـده بكلبك=ألهم يوجد الملــــــــحود
صحيح بكلبي موجودين= لجلهم هل عميت العين
أدك والطم على راسي
-----------------
من أرض المدينه نعود=لأرض تكريت نكصـدها
ننشد من خــراب الدين=على الشبـــــان ننشدها
بلجي تستحي وتكـــول=تفصح عـــــــن مراقدها
ولواحنه نعرف تكريت=نعرف شنهي مكصـــدها
الكاع الربت الهــــــدام=ولا ذرة شرف عدهــــــا
مهما سعرت من نار=أضل أموالي للكرار
أدك والطم على راسي
---------------
أدك والطم وزيد ابجـــــــاي=هاي الفاجعه أشنيـعــه
ماكو كـــــــــــــــاع للتدريب=بس تكريتها ويسعــــه
اشوهاي النجف صحراء=المايندل دربه حتما تضيعه
إذن مو ذنب أهل تكريت=الذنب من قادت الشيعـــــه
لأن رادوا فقط يرضـــون= النجيفي وزمرت أربيعـــه
علينه التبست الأوضاع=العدل والحك يمهدي ضاع
أدك والطم على راسي

سيد كاظم

[النقيب]

تسلم ايدك اخي