اذا مية جرح تجرحني ماحاجيك
يالمسموح الك تجرحني وبكيفك
واذا سيفك يحز نحري ويسيل دماي
كبل ما اموت ابوسك وانحني السيفك
انت من الترافه البيك اضنك طيف
وطيف الطيف بس يبين بطيفك
ناعم من اجيسك مثل وركة ياس
راح اكتب الك بالدنيه تعريفك
هاديء جدا وعندك عبيد هواي
طاغي بنظرتك جاير بلايه ذنوب
قاتل محترف وسلاحك النظرات
واذا تهمس همس .. حته الحديد يذوب
ظالم من جمالك وانته ابو الظـُـلام
تظلمنه بدلالك وشكثر محبوب
حسنك مو طبيعي من الخمر مخلوق
من طعم الشهد صب أنت يل مصبوب
يا تين الشفايف مو مثل هل تين
دضوكني شجرالك فدوه بس ضوكه
ماريد اني ابوكك تينه واركض غاد
اريدك مقتنع وك شلي بالبوكه
خل انزل بعد للركبه وانظر زين
واستنشق هواك رياتي مخنوكه
وارتاح اعله صدرك واغفه حدر الزيج
ولفني بقبتيك الدنيه مطبوكه
وافتر عل خصر بالخصر خلي اندور
عله شمس الخصر شو جنهه مضنوكه
يا أنت التويــــــــــــــج ومن أمستردام
اسكر من أشمك من اشم عطرك
واذا تسبح اضن الماي يسبح بيك
واحس كل قطره تصرخ بيك تنتظرك
ونجاده البحر يلبس من يلاكيك
يخاف يحبك وبيك البحر يغرك
تخيل حالي عاد شصار بييه النوب
وياي اني اضل متعارك بذكرك
اريد اني كبل اني اذكرك واهواك
واذبح انــــــي انــــــــي وانذر العمرك
وكف الهامي كلش يعتذرلك حيل
ما يكدر يوصفك ينتظر عذرك
رد مع اقتباس
