شاتل بعمري الحزن ضحكة حصاد
وذابله سنيني وصدى الوادم نبع
بروحي وگفت عازتي وسكته انحنيتوآنه والليل اتفقنه نضل ربعالخيمه من تنشگ جرح بلبر يصير
بلونه تلگه اصياح بس ماينسمع
العيد عندي ودمعتي بنفس القياس
اللون مايعكس تجاعيد الطبع
إتأخرت مولأن خله بمستواي
جنازت الفارس يعطلهه الدمع
يعرض اكبالي امن اعيّد گبر ابوي
ومن طقوس الناس مرات امتنع
فياي عندي اشمالني احسب للخريف
آنه جربت الشجر مابيه نفع
تحترگ إلمن يجفني الدمعه صيف
تبرد اشمافوگ عنهم ترتفع
الطيف من ايزاعلك شايفله عين
المايرتلك آيه لاتنطيه شرع
فتشت من غمضو يم النهار
وزامطت ليل الگباحه بصم شمع
وزاودتهم من شفت بيهم فراغ
إحساسي فرهدهم لمن چانو جمع
الماسمع ملگاي مافرزن جفاه
الحبل يفشل بيد جاهل ينگطع
گتلك الماعنده مبدأ ينطي بيك
بأي سقيفه تصير لازم يجتمع
كسرت الواهس تذب عمرك وراك
تنقهر كل ضحكه تلگاهه بفرع
وتنهظم كل نجمه من يطغه السواد
وتگطع خيوط الفجر من تندفع
سولفت عن كربله بلهجة حبيب
ويم فدك ماسولفت عن الزرع
الما دفه بحضن الكهف بارد ضواه
اليدفع اباب السهر كاسر ظلع
الماعرف شخصيتي يعرفني امنموت
اليستلذ بالشوف يحتاج السمع
رد مع اقتباس
