ابدي بذكرياتي وياك اعيد الراح ,,,وأعد أذنوبك الوياي ما تنعد
يا أسود كَلب ردت انه اغير البيك,,,وتتغير شلون ودمك انت اسود
حبيتك نعم واعترف كَلبي انطاك ,,,بس شكَد غشيم الكَلب ما وجد
فا جأني الزمان وكشف زيف البيك ,,,وبلحظات احس احلامي تتبدد
تعاملني اعلى روحي وجنت اكَلك شيل ,,,اخذ روحي بعتلك ما بعت لاحد
اخذ عيني بثكَلها وبيت الك سويت ,,,أخذ ضلعي مخده اعليه تتوسد
ولا تبجي اعله خدك انه اخاف عليك,,,راح انطيك جاهز دمعه ويه الخد
بعد شتريد اسوي وانه الك ممنون ,,,لا تخجل ولا من عندي تتردد
تذكر لو اذكرك بعد شنهو الصار ,,,وانه النار بيه جذب ما تبرد
اغض النظر عنك ما اكَلك ليش ,,,عمت عينج يروحي بالصبر هاكَد
يل خاين ضميرك من يسعفك يوم,,,يا خلة ضمير الماظن تنسد
تبا للبشر لو مثلك يصيرون,,,ولو متأكد اني مثلك انته شكَد
خسرت هواي منك والربحت جروح,,,جرح لا يلتئم لا يرضه يتضمد
انه انطيتك العندي وما عرفت البيك ,,,يل مجهوله روحك وانه بيك اشهد
تدري احنه اليموت ومنه تصعد الروح,,,بس انته الوحيد الروحه ما تصعد
منقوول
رد مع اقتباس
المشاركة الأصلية كتبت بواسطة زين العابدين الشمري
