انا جروحي معارك وانتصارات
وكل جرح التشوفه تكَول قائد
اسلحهن ملح كل ساعه بجفاك
واظن ما ظل ملح يكفي الموائد
خلص صبره الصبر وجفاك مالان
واحس جفاك ع الدلال حاقد
واعاند بالصبر واتزامط وياه
لأن نيته صفت يطلع تقاعد
رسمت جروحي منك بين الاوراق
ظلت ع الجرح تبجي الكواغد
واكَول هسه يرجع .. باجر يجوز
اخافن مايرد ...اي كلشي وارد
واكَول هواي ناس البدلت ناس
مثل جف الغوى بسوكَ المعاضد
وامشي بدربي لكن فاقد الراي
اتمشى رسم بس بالي شارد
صرت مثل البدو بوصلتي النجوم
لأن كل نجمه اشوفك بيهه كَاعد
يمته تحن علي وتواعد بيوم
هلبت بالحلم طيفك يواعد
وانه طيوفي كلهن من يجن بيك
واكَلك رد حبيبي تكَلي ما ارد
ثنين ثنين من تمشي المحبين
تذكر لو مشينه نصير واحد
شجاك شغيرك ما ترجع شبيك
ذاك انه بعدني وربي شاهد
منقوول
رد مع اقتباس
