بديرة غرب...
مرني ليلك بارد ابلسعت جمر
عتني طيفك عتت العاثر درب
وعيوني تستاهد ضواك
صرت احسك ويه كل شهكت هوه نسمة عشك....
مديوفه بالرية نفس
بيك انه احس...
يمي جنك... رغم ادري...
ابين جفي ولمستك شمرة شمس لكن احس
....الكلشي بيه ايسولف اسوالف الك
تاخذ ارسومك خيالي اشراع وبضهره الهوه
وابحر ابطولك يمن طولك ظوة
واتلفلف ابروجك جسد غركان مابي حيل يتلاوه ويلج
من كل كتر يفزع ثلج
تتنخه بجفوفك اظلوعي تريد ملكاهن امس
تريد حيل امسامر ونكهة همس
يالزتت اعيوني اعله فركاكم دمع....صرنه شمع....
وخيط ذكراكم جدح بي مشتهه امفارك محب
يالبل كلب نارك تشب
طفيني ماظل بيه لون....
الحيرة صارت عندي سر صفنت اضنون
محتاجك احجاية تمر بيهه تسر
أنثر احلامي ولو خضرلي راي
السكة عز روحه ابوصالك لاتضن يرويهه ماي
ياثناي....ومشتهه اسوالف شتاي
ويابكاي....من اخر اسلال الحوتهه اسنيني بدموع السهر
بدي طولك فوك طولي....
اتراب اصيرن يانهر
وافزع الطولك كناطر لابس الواهس غوه
يالشوفت اعيونك دلال وعافيه وصحة ودوة
سير اشتاك الخظار ابروحي لسوالف نداك
سير وخل عطر كيفك يصعد براسي مزاج
ياتوالي السود....يافرحة وشال
انته لذه ودنيتي ارتاجت عليك
لو رحت من عدهه بالبيه تطيح
هوه البي فركاك حايل من يفوت
شركة الريه ابجهبته وشاغت الروح بجفاه
وحشة الغربة تهد حيل السنين...
اتفزع اليل اليمر فزعة صور
الديرة والبيهه غرب....
وعن جدمي شت حته الدرب...
وانه بغرب ....وانه بغرب...
رد مع اقتباس
