من تحن حبني وتعال
لا وحگك ما نسيتك ، يل گلت لعيوني اجيك
ولسه اتاني ومامش انته؟
اي وحگك كل سعف لولح حسبتك ، وانه اگلهم ذيج اديك
سبگتلك ، بالهوه وتانيت اشمك
وزاعليت الريح لجلك لنه مامن طوله بيك
يا عزيز ، عيوني ذبلت ،وحده وحده
وينك انته
الليل حط ايده اعله خده
الگمر مرني وتعده
وينك شما بيك مرلي ،
يا هواي الروح ملت للنشدها ادگول بعده
ما غفت عيني اعلمودك
راسي جن جاتله واحد ، واهله بديار المخده
وكلشي عده
مرني يشناشيل عمري ،
مرني رازونة حلال
يمته افك عيني اعله صوتك ، شايل سوالف دلال
اي وحگك روحي جاهل ، تشتهي حجاية تعال
خاف ضنك راح املك ،
يا بحر ، خليني اگلك
راح انطرك ، بيه حد موتك مجال
ونته بعد براحتك ضل اعله كيفك ، من تحن حبني وتعال
علي كاظم الصبيحاوي
رد مع اقتباس
رؤؤؤؤؤؤؤؤؤؤؤؤؤؤؤعه 
