هنا

[أنثى حائرة]

محتاجة رأيكم ..أنصحوني..رزلوني..اي شي المهم سوولي صرفة تعبت من هالعذاب..احد اعضاء المنتدى مرة صارحني بأنه معجب بيه بس أنا ماانطيتة مجال بينتلة اني مامهتمتلة ويوم عن يوم حبة صار يكبر ويزيد صارلي علة هالحال قرابة 4 شهور لا اكدر انساه واعوفة ولا اكدر اصارحة باني احبة لاني ادري حرام ..يااخوتي حبة تعبني كمت اتعذب بسببه شفت الويل اليوم اللي ماشوفة احس روحي تنقبض ..أكيد هسة يجيني واحد منكم ويكلي حب مراهقة ..انا عمري موعمر مراهقة تقريبا ..وادري بيكم محد راح يفتهم اللي اعنية ويحس بمعاناتي لانه مامجرب ..محتاجة نصائحكم ارجوكم اخذوا الموضوع على محمل الجد وبدون استهزاء وضحك ..انا تعبت تعبت تعبت من حبة

[حـــلاة الـــروح]

شوفي حبي انت اتعرفتي عليه بالمنتدى لو اتعرفي من زمان؟؟؟
ثاني شي ممنوع الحبجيات بالمنتدى
افهم مشاعرج بس اذا حبيتي اهنا ومشايفتة انسي احسن لان ميفيدج نصيحة من اخت عالم النت عالم خداع الا ماندر
وبعدين مو بس اعترفلج انتي راسا اتسلمي كلبج انتي شعرفتي عنة
راجعي افكارج ولا تنجرفين مع التيار
تحياتي

[الملاذ الاخير]

بس اريد أفتهم أشلون حبيتي شخص بدون ماتشوفي

[زمرد الشمري]

بس اريد أفتهم أشلون حبيتي شخص بدون ماتشوفي

ههههههه تصير
اكلج حبي ضميهة بكلبج احسن ﻻ تنحظرين

[أغرد بهمس]

ي عمري..الحب شيء مقدس ورائع وكذب من قال ان الحب عذاب
ذاك حب المعصيه والنفس الامارة بالسوء
غاليتي ان كنت تحسين بمشاعر اتجاه هالشخص وهو هماتين ...شمنتضرين..ارتبطو
خاليتقدم لج وربي يسعدك..
يعني شمنتضرة نكلك..غير ان تكملون مع بعض برضا الله....مافي اي حل ثاني نهائيا
لان كل الحلول فاشله
اذااااا كان حبكم حقيقي..فهو مراح يتاخر ثانية ويتقدم..حتى لو ضروفه اصعب من الصعب

اتمنى لك كل الخير والسعاده...وربي لايتعب قلبك

[زمرد الشمري]

زين سؤال حبيبتي هو يدري انتي هم تحبي لو بعدة؟

[سجايا]

انسي افضل

[احمد جبر حمود]

أنا أقول هذا الُحب كلاوات

[Ali Ibrahim]

غريب والله .. حبيتي على شنو على رمزيته الحلوة
لو على توقيعه لو على موسيقى ملفه الشخصي
عجيب والله
اني اعتقد بالمستقبل يصير الزواج والخطوبه ع النت ونصير نختار النساء على المنشورات اي وحده منشورها حلو والله حبيتها
عشقتها ...
اختي انتي اصلا شايفه شكله سامعه صوته تعرفين طبعه لو هجي لعب
وثاني شي حبيات ماكو هنا . ديري بالج
نصيحتي انسي الفكرة وامسحيها نهائيا من بالج ..

[Ali Ibrahim]

ي عمري..الحب شيء مقدس ورائع وكذب من قال ان الحب عذاب
ذاك حب المعصيه والنفس الامارة بالسوء
غاليتي ان كنت تحسين بمشاعر اتجاه هالشخص وهو هماتين ...شمنتضرين..ارتبطو
خاليتقدم لج وربي يسعدك..
يعني شمنتضرة نكلك..غير ان تكملون مع بعض برضا الله....مافي اي حل ثاني نهائيا
لان كل الحلول فاشله
اذااااا كان حبكم حقيقي..فهو مراح يتاخر ثانية ويتقدم..حتى لو ضروفه اصعب من الصعب

اتمنى لك كل الخير والسعاده...وربي لايتعب قلبك

هههه اي يتقدم ليش لا ... اني الواسطة بيناتهم