هنا

[¥محبوب$القلوب¥]

اقتربلي الموت واتمنه يجيني ** ابو السجاد ويغمض لي عيني
اذا مـايـجي ليـه
تكـفينـي رقــيه
بـيهـا ريحــة حســين
-----------------------------------
زينـب والـحزن والنـوح عـنواني
بـرض الشـام وحدي بغربتي اني
دنـه موتـي واريـد اليـوم خواني
اشـو لحـسين ياهالنـاس مـاجاني
زينب من يوصل له خبرها ** ويگله بالحزن خَلص عمرها
ولو مايمر بيه
تكفيني رقـيه
بيها ريحة حسين
-----------------------------------
بعيد حسين وادري ابـكربله ابعيده
شلون اليوم ابـقه ابمحنتي اوحيده
رقـيه مـن تجـيني هـمي اتــزيده
بـس لاتـحلم ومـني الابـو اتـريده
اعله ذرعاني اذا شافتني تغفه ** بحلمها حسين يـتعناها اعـرفه
واذا جت المنيه
تكفـيني رقيـه
بيها ريحة حسين
-----------------------------------
خـل اتخـيل حـسين اعـتنه الداري
مـؤكد جـاي رايـد يعـرف اخـباري
اذا يسئلني خـويه اشصاير اشجاري
ابد ما راح احـچي اتجـاوبه انظـاري
بـيه يالاخـو من كربله الآم ** الهسه اتعيش بيه ذيچ الايام
وچم لوعه واذيه
تكـفيني رقـيه
بيها ريحة حسين
-----------------------------------
يـعلــم لـيش اخـويه ذاب دلالــي
لان كل لحظه اشوفن خيمته اگبالي
لــو مـوجود چــا گالتـله عن حالي
لـمــن ابحـبلـهــا چـَلـب اذيـــالي
تره احتاريت لمن شبو النار ** اطَفي ناري مدري نار الزغار
راحو من اديه
تكفيني رقيه
بيها ريحة حسين
-----------------------------------
اذا زيـنب يـريد حـسين يـلفيها
شكوه من محرم عندي واشكيها
بـديه اطـفاله انه چـنت اطـفيها
اچفوفي امحرگه والحـبل ياذيها
دمع اعيوني لو يسمعني ينها ** اديه امحرگه ومشدوده بحبال
ودمعاتي جريه
تكفيني رقــيه
بيها ريحة حسين
-----------------------------------
اذا خلصت ايامـي وموتي وافاني
منهو الـراح يحـمل بـيده جثمـاني
تـره اتمـنيت اخوي ايـصير دفـاني
انادي حسين شـو لحسين ماجـاني
يامحله الاخو من يحظر اخته ** بس وسفه الاخو مذبوح شفته
برض الغاظريه
تكفيني رقيـه
بيها ريحة حسين
-----------------------------------


خادم اهل البيت حيدر تركي الكربلائي

[تشيللو]

بوركت صديقي..

[حـــلاة الـــروح]

تسلم اخي

[¥محبوب$القلوب¥]

بوركت صديقي..

الله يبارك بيك صديقي

تسلم اخي

الله يسلمكِ أختي دمتي بكل ود