المشاركة الأصلية كتبت بواسطة العراب
أمتنع عن الإجابة ،، خوفا من الحسد
سؤالي وللبنات فقط ::
في أول يوم زواجكِ ,وكان في أحد فنادق باريس وبعيداً عن الأهل والأقارب والأصدقاء ..وبعد رحلة شاقة ومتعبة ,,وعناء السفر وصلتم الى الفندق وكان الوقت متأخراً , فقررتم أن تأخذوا قسط من الراحة .. ومع أول إستلقاء على السرير .. رن هاتف زوجك ، وكانت أول مكالمة له بعد زواجه ،فطلب منكِ أن تناوليه الهاتف ، وبالصدفة نظرتي الى أسم المتصل فكان ( حبيبة عمري ) ,ثم طلب منكِ أن يذهب الى مكان آخر داخل الفندق ليرد على الإتصال ، لكن إصراركِ على أن يجيب على الإتصال داخل الغرفة وأن يفتح السماعة الخارجية ( السبيكر ) فكانت المحادثة بينهم كالآتي :
المتصلة : ألو حبيبي مبروك الزواج وشايف ألف خير بالعافية عليك هاي العوبة والجكمة ..
الزوج : الله يبارك بيج حياتي ، بس رجاءً بدون غلط لأن هي جاي تسمعج ..
المتصلة : يطبها مرض هاي العوجه أم خشم ، هي لو تستحي كان مقبلت النفسها تتزوج واحد متزوج...
الزوج : صحيح حبيبتي بس هي مكانت تدري آني متزوج ,وأحنه اتفقنه الموضوع يظل سر بيناتنه .بس هسه انتي فضحتيني كدامها ...
المتصلة : يطبها ألم وإذا سمعت أحنه اتفقنه تتزوجها لمدة شهر وتخلص وياها وكت وبعدين تعوفها ..
الزوج : صحيح ،، بس خلينه نشوف الوضع شلون ما لون ،، وبعدين نطلكها ويطبها مرض ..
المتصلة : عفية حبيبي الغالي .. خو ما حبيتها لو كلبك كام يحن ألها الله عليك ..
الزوج : لا والله حياتي ..آني كلبي مستحيل يحن لوحده ثانية غيرج ..أنتي حياتي وعمري وكلشي بالنسبة أليه بهذا الكون ..وما أبدلج بنسوان العالم ..
المتصلة : شكراً حبيبي . هسه فرحتني ..يلله لعد آني هسه أروح .. بس حبيت أطمن عليك من هاي المتوحشه وخاف تاخذك مني يعمري .. باي وأخذ راحتك وأستمتع بزواجك حبيبي ...
الزوج : الله يحفظج حياتي يبعد روحي ..متوصيني ..إن شاء الله نلتقي بعد ما أرجع للعراق ..باي باي حياتي ..
والسؤال طبعاً ...أنتي في باريس ومتعرفين أحد هناك وماعندج فلوس ومتعرفين تحجين فرنسي .. وبعد أن سمعتي كل تفاصيل المكالمة وبوضوح تام .. شنو راح يكون تصرفج حيال هذا الموقف ، وشنو ردت فعلج , ومدى استيعابج للموقف بشكل عام ، وهل تكملين معه شهر العسل في باريس ،، وممكن تنطينه صورة كاملة وواضحة عن موقفج تتناسب مع تعبي على السؤال والوقت الي استغرقته بكتابته ....
