هنا

[• ﺂسـٰﯡﯟڪﭑ┇ᗩSỌҜΔ ˛]

صباح الخير يمه تلـگي ابنچ جاي
گومي من الگبر وبلهفه شميني
صباح الخير يمه وگومي افتحي الباب
طولت بغيابي ارجوچ اعذريني
مرت مده يمه ورسمي عنچ غاب
بس موبيدي والله وزين تدريني
انه وليدچ ييمه وماأخون رباچ
بس الغربه حالت بينچ وبيني
گوميلي ييمه وكسري السرداب
وبنفس الچفن وياچ غطيني
‏****
گوميلي ييمه بگلبي تسعر نار
محتاج لحنانچ فدوه ضميني
گوميلي ييمه عيوني اجت خطار
تشكيلچ عذابي وغربة سنيني
اسمعيني اسمعيني اسمعيني
اريد بگبرج اغفه ،، وياچ خليني
‏****
من يوم الدفنتچ يمه مامرتاح
شلت الهم ييمه منهد عشريني
وطلگت الفرح يايمه ثلث ايمان
وربطت الحزن شديته بيميني
لان ماأگدر انسه وداعتچ معذور
اسمچ هو دمي وكل شراييني
‏****
گوميلي ييمه وداعتچ تعبان
بس بشوفچ ابره وتبتسم عيني
بس انتي الوحيده القادره بهالكون
بتراب الچفن يحبيبه تشريني
اسمعيني ييمه وگومي اترجاچ
مامرجيه منچ هيچي تاذيني
گوميلي آنه جيتچ ماأريد اعذار
طشرني الوكت يايمه لميني
‏****
طبعچ وآنه اعرفچ ملگه للخطار
خطارچ عزيز وماتفشليني
انفضي تراب گبرج كسري السرداب
وبطيبت كلامچ يمه حاچيني
محتاج النصيحه وداعتچ محتار
شوريني ياأمي ارجوچ انصحيني
اعرفچ انتي دومچ ماطبگتي الباب
شنهو الغيرچ يحبيبه فهميني ؟
مو چنت آنه أأمر وحدي بهالكون
ولوخلص حليبچ ، دم ترضعيني
ولو مرني الكدر والآه والاحزان
بعيونچ ييمه انتي التشافيني
اسمعيني ياأمي ارجوچ اسمعيني
اريد اليوم اوفي شويه من ديني
‏****
معذوره ياامي وادري ملك الموت
مايعرف رحم لافرصه ينطيني
اخذ مني الحبيبه الحتى رب الكون
ضل طول العمر بيها يوصيني
اعذرچ والله يمه وماعليچ قصور
لوما باللحد چا والله شلتيني
احبچ وابقى احبچ لآخر الانفاس
چي من نور وجهچ ككملت ديني

[• ﺂسـٰﯡﯟڪﭑ┇ᗩSỌҜΔ ˛]

شكثر بيه اجروح تحرك بدمي
بس والله كله اتهون من تضحك امي

[• ﺂسـٰﯡﯟڪﭑ┇ᗩSỌҜΔ ˛]

وصفج يكسر ضهور الدواوين
وخلكج يسع دنية بمحتواها

مدري شلون يبقة يعايش الناس
اليفك عينة علة امة ومالكاها

امي عدال دنية تكفي وتزود
دنية بلاية ام من امداها

تسحك عالنمل تستغفر اسبوع
الله شلون مايرضة الرضاها....

[تّـفـاَصيلـٓ]

مشتهي گماط وحضن
واسم الله ولت يالولد
ما بيك غير العافية
وكاروك ياخذني ويرد
لأحضان امي الدافية

[جورية]

الما ينام الليل صاحي ومو عليل
دور بأحساسه تلگه المشكله
لو فاركله وطن...لو غثه ناي
لو شريك انفاسه مامقسوم اله.

[تّـفـاَصيلـٓ]

آني آمي شگد ‫فقيره‬
تستحي حتةة م̷ـــِْن ابوي
اني امي شگد ‫‏فطيرةة‬
حته م̷ـــِْن تنخه ‫علي‬ تگله آخوي

[• ﺂسـٰﯡﯟڪﭑ┇ᗩSỌҜΔ ˛]

يمه... لوبيدي أعبدج
بس زعل ربج ثكيل

[الملاذ الاخير]

يايمة اريدج خيمة النة بكل وكت
يايمة من ترحين دم دمعي يكت
يايمة أظن تدرين بكليبي سكت
عكب الافراك ودموعي اللي شتكت
لي

[• ﺂسـٰﯡﯟڪﭑ┇ᗩSỌҜΔ ˛]

مأكلك أمي كعبة ....ماأكلك بيها أطوف
بس أكلك أمي عيني....وبلايه عيني شلون أشوف

[• ﺂسـٰﯡﯟڪﭑ┇ᗩSỌҜΔ ˛]

أمي الماقست وياي فد يوم
ياربي كلي بيش أجازيها