هنا

[تّـفـاَصيلـٓ]

كل ما يخص الام من شعر شعبي
ومن فرح وحزن ومعاناة وفراك عن الام
اكتب هنا كلشي ما يخص الغاليه والحنونه
من شعر وبكل انواع الشعر
………………………………………



ﻋﻠﻰ ﮔﺒﺮﺝ ﺑﺠﻴﺖ ﺷﻜﺜﺮ ... ﻳﻤﺂﻩ
ﺁﻧﺘﺮﺱ ﺣﺴﺮﺁﺕ ﻛﻠﺒﻲ ﻭﺁﺁﻩ ... ﻳﻤﺂﻩ
ﻟﻮﻥ ﺑﻴﻪ ﺩﺭﻳﺘﻲ ﺁﺻﺂﺭ ... ﻳﻤﺂﻩ
ﺣﺰﻥ ﻳﻌﻘﻮﺏ ﻋﻜﺒﺞ ﺻﺂﺭ ﺑﻴﻪ ؟؟




ﺍﻣﻲ ﺗﺮﻓﻪ ﺑﺠﻒ ﺻﺒﺮﻫﻪ ﺷﻜﺪ ﺣﻨﻴﻦ
ﺍﻣﻲ ﻣﻦ ﺃﺫﻛﺮ ﺍﺳﻤﻬﺎ
ﻻﺯﻡ ﺍﻗﺮﻩ ﺍﻟﻔﺎﺗﺤﻪ
ﻷﻡ ﺍﻟﺒﻨﻴﻦ



ﺭﻗﻴﻘﻪ ﺍﻣﻲ.
. ﻭﻳﻔﺰﺯﻫﺎ ﺍﻟﻨﺪﻩ ﻣﻦ ﻳﻄﻴﺢ
ﻣﻜﺘﻮﺏ ﺍﻟﺼﻨﻒ..(ﻭﺭﺩﻩ) ﺑﻬﻮﻳﺘﻬﺎ
ﻣﻮ ﻋﻠﻮﻳﻪ.. ﺑﺲ ﺍﻟﺴﺎﺩﻩ ﺍﻟﻴﺸﻮﺭﻭﻥ
ﻣﻦ ﺷﺎﻓﻮﻫﺎ ﺣﺴﺪﻭﻫﺎ ﻋﻠﻪ ﺷﺎﺭﺗﻬﺎ
ﻛﺪ ﻣﺎ ﻃﺎﻫﺮﻩ ﺑﻮﻛﺖ ﺍﻟﺼﻼ‌ﻩ ﻣﺮﺍﺕ
ﺍﺫﺍ ﻣﺎﻧﻠﻜﻪ ﺗﺮﺑﻪ ﻧﺨﻠﻲ ﺻﻮﺭﺗﻬﺎ..




طاحت دمعه امي شالها العصفور
كاله استغفر الله الجنه تبجي



ﺷﻮﻛﻲ ﺍﻋﻠﻴﺞ ﺑﻴﺶ ﺍﻟﻤﻪ
ﺍﺣﻂ ﺍﺳﻤﺞ ﺑﻜﻠﺒﻲ ﺍﻭ ﺍﻧﺤﻨﻲ ﻋﻠﻴﻪ
ﺣﺘﻪ ﺍﻭﻱ ﺍﻟﻨﻔﺲ ﻛﻞ ﺍﻟﻴﻮﻡ ﺍﺷﻤﻪ
ﻣﺎﻋﻨﺪﻱ ﻣﻜﺎﻥ ﺍﻭﻳﻦ ﺍﺧﻠﻴﺞ
ﺭﺳﻢ ﻭﺟﻬﺞ ﺍﺣﻴﺮﻥ ﻭﻳﻦ ﺍﺿﻤﻪ
ﻟﻐﺰ ﻛﻠﺞ ﻟﻐﺰ ﻳﺎﻣﺎﻱ ﺍﻟﻌﻴﻮﻥ
ﺑﺲ ﻣﺮﺍﺕ ﻟﻐﺰﺝ ﻛﻠﺶ ﺍﻓﻬﻤﻪ
ﺍﺫﺍ ﻛﻠﺒﻲ ﻳﺪﻙ ﺍﻟﻐﻴﺮﺝ ﺍﻧﻬﺎﻩ
ﻭﺍﺫﺍ ﻣﻴﻨﺘﻬﻲ ﺑﻀﻠﻮﻋﻲ ﺍﻋﺪﻣﻪ
ﺧﻴﺎﻟﺞ ﺻﻮﺭﻩ ﺣﻠﻮ ﺑﻜﻞ ﺍﻻ‌ﻟﻮﺍﻥ
ﻛﻠﻴﻠﻲ ﺧﻴﺎﻟﺞ ﻭﻳﻦ ﺍﺭﺳﻤﻪ
ﺍﺫﺍ ﻓﻮﻙ ﺍﻟﻀﻠﻊ ﺍﻟﻜﻪ ﺍﻟﻀﻠﻊ ﻧﺎﺭ
ﻭﺍﺫﺍ ﻳﻤﺞ ﺭﻛﺾ ﻣﺎﺑﻴﻪ ﺍﻟﺰﻣﻪ
ﻳﺎﻟﻴﻞ ﺍﻟﻤﺤﻨﻪ ﻣﻨﻴﻦ ﺍﺣﺎﺟﻴﺞ
ﺍﻛﻮﻟﻦ ﺑﻴﺞ ﻛﻠﻤﻪ ﺍﻭ ﺗﺸﻬﺪ ﺍﻟﻨﺎﺱ
ﻻ‌ﻥ ﺣﺒﺞ ﺟﺬﺏ ﻣﺎﺑﻴﻪ ﺍﻛﺘﻤﻪ
ﺍﺫﺍ ﻳﻘﺒﻞ ﺍﻟﺒﺎﺭﻱ ﻧﻌﺒﺪ ﺍﻟﻐﻴﺮ
ﺍﻟﻌﺒﺎﺩﻩ ﺍﺻﻴﺮ ﺍﻟﺞ ﺻﺪﻛﻴﻨﻲ ﻳﻤﻪ



ﻗﺼﻴﺪﺓ ﺣﺰﻳﻨﺔ ﻋﻦ ﺍﻻ‌ﻡ ﻣﻦ ﻃﻔﻞ
ﻳﻤﺔ ﻛﻌﺪﻱ ﺍﺑﺪﺍﻋﺖ ﺍﻣﺞ
ﺍﻣﺤﻠﻔﻚ ﺑﻬﺎﻱ ﺍﻟﺒﺮﺍﺀﺓ
ﻳﻤﺔ ﻧﺎﺟﺢ ﺟﻴﺖ ﺍﺑﺸﺮﺝ
ﻋﺸﺮﺓ ﻣﺎﺧﺬ ﺑﺎﻟﻘﺮﺍﺀﺓ
ﻳﻤﺔ ﺑﺎﻟﻤﺪﺭﺳﺔ ﻛﺎﻟﻮ..!؟ ... ...
ﺍﺟﺘﻤﺎﻉ ﺍﻷ‌ﻣﻬﺎﺕ ﺍﻳﺼﻴﺮ ﺑﺎﺟﺮ
ﻭﻣﻦ ﺍﺟﻮ ﺳﺄﻟﻮﻧﻲ ﺍﻣﻚ ﺷﻮ ﻣﺠﺘﻲ ؟
ﻣﺎﻛﻠﺖ ﻣﺘﻮﻓﻴﻪ ﺍﻣﻲ
ﻛﻠﺖ ﻻ‌ ﺗﻌﺮﻓﻨﻲ ﺷﺎﻃﺮ
ﻳﻤﺔ ﻣﻦ ﺟﺘﻲ ﺍﻟﻨﺘﻴﺠﺔ
ﻣﺎﺧﻔﺖ ﺍﺭﺳﺐ ﺍﻭ ﺍﻧﺠﺢ ﻻ‌ ﻭﺣﻚ ﺭﺏ ﺍﻟﻌﺒــــــﺎﺩﺓ
ﻳﻤﺔ ﺃﻭﻝ ﻣﺎ ﺃﺟﺔ ﺃﺑﺎﻟﻲ
ﺍﻧﺘﻲ ﻣﻴﺘﺔ ﺷﻠﻮﻥ ﺗﻘﺮﻳﻦ ﺍﻟﺸﻬﺎﺩﺓ؟
ﻳﻤﺔ ﺷﺤﺠﻴﻠﺞ ﻋﻠﻴﻪ
ﻣﻦ ﻳﻤﺮ ﺍﻟﻌﻴﺪ ﺑﻴﻪ
ﻳﻤﺔ ﻛﻠﻬﻪ ﺍﺗﻌﻴﺪ ﺑﺄﺣﻠﻰ ﺍﻟﻤﻼ‌ﺑﺲ
ﻳﻤﻪ ﺑﺲ ﺁﻧﻪ ﻭﺍﺧﻮﺗﻲ ﻧﻠﺒﺲ ﺍﻫﺪﻭﻡ ﺍﻟﻤﺪﺍﺭﺱ
ﻳﻤﺔ ﺷﻴﺐ ﺭﺍﺳﻲ ﺑﻌﺪﺝ
ﺍﺑﺜﻜﻞ ﻛﺒﺮﺝ ﺛﻜﻞ ﻫﻤﻲ
ﻋﻜﺐ ﻣﺎﺑﻌﻴﻮﻧﺞ ﺍﺣﻠﻒ
ﻫﺴﻪ ﺍﻛﻮﻝ ﻭﺭﻭﺡ ﺍﻣﻲ

[تّـفـاَصيلـٓ]

بعد ذيج الترفه والمسه بحنين
جاي احس امي بديهه اشكد قهر
من اباوع بل سبابه البي اليمين
تختلف فد نوب عن كل البشر
امي ماعرفت الموضه ولا الجمال
وحتى من زفوهه ما حطت عطر
تعودت ماخذ طبعهه على الجبال
وعدهه فد شي معجزه طويله الصبر

… بقلمي…

[تّـفـاَصيلـٓ]

ﺍﻣﻲ ﺷﻜﺪ ﺣﻨﻴﻨﻪ ﺑﻜﺒﺮ ﺍﻻﺣﺰﺍﻥ
ﺗﻠﻢ ﻫﻤﻮﻣﻨﻪ ﺑﻠﻔﺖ ﻋﺒﺎﻳﺘﻬﺎ
ﺍﻣﻲ ﺷﻜﺪ ﻋﻔﻴﻔﻪ ﺗﺴﺘﺤﻲ ﺣﻴﻞ
ﺗﻈﻢ ﻋﻮﺯ ﺍﻟﻮﻛﺖ ﺑﻄﺮﺍﻑ ﺷﻴﻠﺘﻬﺎ
ﺍﻣﻲ ﺑﻨﺺ ﺣﺠﻴﻬﺎ ﺟﺒﺎﻝ ﺍﻟﻬﻤﻮﻡ
ﻭﻻﻳﻮﻡ ﺍﺷﺘﻜﺖ ﺑﺲ ﺗﺠﺮﻱ ﺩﻣﻌﺘﻬﺎ
ﻭﺑﺤﺠﺖ ﺗﻠﻮﻟﻲ ﺗﻔﺮﻍ ﺍﻟﻬﻤﻮﻡ
ﻭﺗﺸﻜﻲ ﺑﺎﻟﻨﻮﺍﻋﻲ ﻫﻤﻮﻡ ﻋﺎﺯﺗﻬﺎ
ﻭﺍﺫﺍ ﻣﺮﺍﻧﻪ ﻇﻴﻢ ﻭﺳﻤﻌﺘﻪ ﺍﺷﻠﻮﻥ
ﺗﻨﺸﻎ ﻭﺍﻟﺪﻣﻊ ﻳﺘﺮﺱ ﻣﺨﺪﺗﻬﺎ
ﺭﻏﻴﻒ ﺗﺼﻴﺮ ﺍﻣﻲ ﺑﺴﺎﻋﻪ ﺍﻟﻌﻮﺯ
ﻭﺗﺸﺒﻌﻨﻪ ﻭﺗﻈﻢ ﺑﻀﺤﻜﻪ ﺟﻮﻋﺘﻬﺎ
ﺗﻨﻜﻂ ﻣﺴﺘﺤﻪ ﻣﻦ ﺩﻛﺖ ﺍﻟﺒﺎﺏ
ﻟﻮ ﺧﻄﺎﺭ ﺍﺟﻬﺎ ﻣﻌﺰﺑﻪ ﻋﺎﺩﺗﻬﺎ
ﺷﻜﺜﺮ ﻟﻔﺖ ﺍﻟﻌﻮﺯ ﻭﻧﺎﻣﺖ ﻭﻳﺎﻩ
ﻭﻻﻣﺮﻩ ﺍﺷﺘﻜﺖ ﻟﻠﻨﺎﺱ ﻋﺎﺯﺗﻬﺎ
ﺍﻣﻲ ﺷﻜﺪ ﻓﻄﻴﺮﻩ ﺑﻌﺎﺯﺕ ﻓﺮﺍﺵ
ﻭﺗﻨﻄﻲ ﻟﻠﻔﻘﻴﺮ ﺍﻟﻴﺠﻲ ﻣﺪﺗﻬﺎ
ﻣﺎﻋﺪﻫﺎ ﻣﻼﺑﺲ ﺻﺎﺭﻥ ﺳﻤﺎﻝ
ﻭﺗﺘﺸﻴﻢ ﺍﺫﺍ ﺧﻄﺎﺭ ﻣﺮ ﻳﻮﻡ ﺑﺜﻨﻴﺘﻬﺎ
ﺍﻡ ﺍﻫﻼ ﻭﺳﻬﻼ ﺑﻨﺖ ﺍﻻﺟﻮﺍﺩ
ﺻﺪﻙ ﺟﻨﺖ ﻋﺪﻥ ﺑﺴﻤﺎﻝ ﻓﺮﺷﺘﻬﺎ

[علي الشمري]

[تّـفـاَصيلـٓ]

ﺍﻣﻲ ﻣﻦ ﺍﻏﻴﺐ ﻫﻮﺍﻱ ﻣﺎ ﺗﺒﺠﻲ ﺑﺪﻣﻮﻉ
ﻣﻦ ﻋﺪﻫﺎ ﺗﻄﻠﻊ ﻧﺎﺭ ﺣﺘﻪ ﺍﻟﻬﻮﻩ ﻳﻤﻮﻉ

----------
ﺍﻣﻲ ﻣﻦ ﺍﺣﺲ ﺑﺠﻮﻉ ﺗﺪﺭﻱ ﺷﺘﺴﻮﻱ
ﺗﻜﻄﻊ ﻟﺤﻤﻬﺎ ﺗﻜﻮﻡ ﻣﻦ ﻳﻤﻪ ﺗﺸﻮﻱ

----------
ﺍﻣﻲ ﺍﻟﺘﻌﻴﺶ ﺍﺣﻼ‌ﻡ ﻣﺤﺪ ﺣﻠﻤﻬﺎ
غافﻲ ﺑﺤﻀﻨﻬﺎ ﺗﺮﻳﺪ ﺗﺘﻤﻨﻪ ﺍﺿﻤﻬﺎ-

-------
-ﺑﻔﺮﺍﺵ ﺍﻟﻤﻮﺕ ﻋﺎﻓﺖ ﺩﻓﻨﻬﺎ
ما ﻭﺻﺖ ﺑﺪﻓﺎﻥ ﻭﺻﺖ ﺑﺎﺑﻨﻬﺎ

----------
ﺍﻣﻲ ﻣﻦ ﺍﺭﻭﺡ ﺑﻌﻴﺪ ﻣﺎ ﺗﺸﻤﺮ ﺍﻟﻤﺎﻱ
ﺷﻔﺖ ﺍﻧﻪ ﺟﻔﻦ ﺍﻟﻌﻴﻦ ﺷﺎﻣﺮﺗﻪ ﻭﻳﺎﻱ

----------

[تّـفـاَصيلـٓ]

شكرا المرورك نورت

[تّـفـاَصيلـٓ]

ﺍﻣﻲ ﺑﺰﻣﺎﻥ ﺍﻟﻌﻮﺯ ﻣﺎ ﻏﺮﻫﺎ ﻛﻞ ﻣﺎﻝ ﻛﺼﺖ ﺧﺼﻞ ﺷﻌﺮﺍﺕ ﺣﺎﻛﺘﻬﻦ ﺳﻤﺎﻝ

[تّـفـاَصيلـٓ]

ﺍﻣﻲ ﻣﻦ ﺍﺣﺲ ﺑﺠﻮﻉ ﻣﺎ ﺗﺎﻛﻞ ﺗﻜﻮﻡ ﺗﻜﻠﻲ ﻫﻠﻴﻮﻣﻴﻦ ﻣﻄﻠﻮﺑﻪ ﻟﻠﺼﻮﻡ

[رغد العراقية]

☆☆.★رٍۆٌۆٌۆٌۆٌۆٌعٌٌٍهِِّ ـ★
☆.★رٍۆٌۆٌۆٌۆٌۆٌعٌٌٍهِِّـ� ��
.★رٍۆٌۆٌۆٌۆٌۆٌعٌٌٍهِِّـ★

[تّـفـاَصيلـٓ]

☆☆.★رٍۆٌۆٌۆٌۆٌۆٌعٌٌٍهِِّ ـ★
☆.★رٍۆٌۆٌۆٌۆٌۆٌعٌٌٍهِِّـ� ��
.★رٍۆٌۆٌۆٌۆٌۆٌعٌٌٍهِِّـ★

نورتي عزيزتي الروعه وجودج