بهيده ارجوك من تلعب بالجروح
عزيزات واحب يبقى اثرهن
هاي اجروح مصنوعه من الاحباب
جامعهن بروحي وما اهدهن
اول جرح من جان العمر عشرين
وجان الحيل وافر ما يملهن
ضربني بغربته وعلمني ع الهجران
وكتل ذروة شبابي وما دفنهن
والثاني جرح ينزف لهذا اليوم
اخوي الي تشلباها ومعطهن
والثالث ترف من شفت التلاثين
شفت جفوفه عند الغير مدهن
والرابع وطن سابح بالجروح
انتجي بزنزانتي وحمل رسمهن
انا بنادم صفيت بغير حرف الباء
لان جان الحلم يخفي وجعهن
اغني بصوت من يجي الليل
جروح تحب تنام بصوت اهلهن
واصبح ع المنايا محزم بآهات
واشيل اعله الجتف سله تلمهن
ومن ضاع الولف ما ضعت انه وياه
جبت جرحه شتلته او وسدتهن
ومن جرح الاخو ما جنت اكَولن ااه
اطيحن ونمرد واحمل ذكرهن
بس جرح الوطن عذبني يوم بيوم
شما نشفن جروحي بدمه امدهن
منقوول
رد مع اقتباس
