هنا

[ارجع يازمان]

سكران ودخل بستان!!
حسين الساعدي
::::


اجيتك واذكر الاحداث
بأول طَبت البستان!


واذكر أول النظرات
عاينت الثمار الوان
شفت
الخوخه نعسانه
وخلتني اشكثر نعسان!


والشفه التبوك التين!
والوجنه
التطك رمان!!


وشفت اخدود ريانه
وانه الهاكثر
عطشان!
مافاد اشكثر وياي
وشكد العن الشيطان!


كلشي اتذكرت
لكن!
بس ابشربة الريان


ما اعرف وراها اشصار!
دايخ
بالجره والجان!!


بدَلت الشمس وياك
واشوفك
للشمس نيشان!
وانه ابراحتي والليل خليته انكلب بركان!
صايم والصيام اسنين خَلصت العمر رمضان!
وتلاكينه عين ابعين واسمع نغمة الأذان
هالبستان اجاك اليوم! وانته الهاكثر جوعان!
فرهَدتك
صرت فرهود
وايدي اتشلع الأغصان!
وزنتك
شمس تموز
ماني ابحاجة الميزان
ولهان وصرت مجبور!!لازم تعذر الولهان
وماكو
داعي ولهليوم
بعيونك عَلي زعلان!
سكران
ودخل بستان
لا تعتب عله السكران!
لا تعتب على السكران!
االساعدي

[النقيب]

حلوووووه
تسلم اخي

[مسلح بالكبرياء]

جميل

[ارجع يازمان]

حلوووووه
تسلم اخي

حضورك اجمل دمت بخير